Tuesday, June 25, 2013

OOTD - Formal yet Elegant .. لبس اليوم ، رسمي لكن أنيق

السلام عليكم

اليوم قررت أكتب بوست مختلف ، و بيني وبينكم كنت مترددة هع

اليوم عندنا جَمعة بسيطة و الضيوف ما أعرفهم شخصياً

فبعد طول انتظار قررت ألبس التالي : 



الجاكيت من تيرانوفا

تلاقي زيه في سترادافاريوس ، زارا ، مانجو ، نيويوركر

البلوزة الي جوا لاحد يحشني لو سمحتوا أدري اننا في صيف هع

خامتها مرة باردة و خفيفة ، و أنا انسانة أوريدي تبرد من نسمة الهوا هههههههه

بس ماتدي إحساس بالحرارة و الخنقة والله فجميلة و مريحة

أخدتها من ساندرو فيريروه ، أعتقد اسمه كدا دايماً يلخبطني هع

أوصف لكم المكان لحظة 

لو كنتوا في مجمع العرب فهو جنب نيو لوك

و لو كنتوا في عزيز مول ، فتخلوا إسبيريت على يساركم وطولوا و حتلاقوه عاليمين 

و ازا مالقيتوه ، عادي جداً روحوا مركز الهرم التجاري 
و تلاقوها هناك بـ 16 أو 20 ريال 

و مافي أي فارق نهائياً غير السعر و وجع القلب هههههههه

البنطلون أسود عايدي ، دا سكِني 

لكن السلِم فِت ينفع برضوا 

دا أخدته من كويز

الاكسسوارات

الحلق شي بسيط ، كريستال صغير شبه دا


في آلدو ، كليرز ، سويت بلانكو ، إتش آند إم ، إف آند إف

التعليقة من آلدو




الساعة من لامبريتّا 




الإسورة من محلات الاكسسوار العايدية الي بالمولات ، 
تصميمها بسيط فممكن تلاقيها بأي مكان


الشوز


شوز نود عادي لأنه تقريباً اللوك الي أباه رسمي بسيط أنيق

أخدته من إف آند إف ، 
شفت زيه في آلدو و سويت بلانكو و نيو لوك و زارا و أغلب المحلات عموماً

حتى خطوات فيله 

المكياج



حاجة بسيطة بما انها جَمعة صغيرة و ناس ماعرفهم كويس و في البيت 

Maybelline FIT ME Powder
Maybelline FIT ME Blusher ( Medium Nude - Light Pink )
Maybelline Colossal Volume Mascara
Max Factor Lipstick 825 Pink Brandy


Bourjois Lip gloss 8-hour stay ( Watery Rose )
Labello ( Pink Rose )

و بس هو دا اللوك تبع اليوم

يارب يكون عجبكم و ألهمكم :)

ابقوا سُعداء

- بيانولا

2 comments:

  1. حبيت تنسيقك *.*

    بصراحه كنت بأحش على سالفة الهاي نيك ههههههه كويس انو وضحتي الموضوع xD

    ان شاء الله انبسطتي بالعزومة <3

    ReplyDelete
  2. ههههههههه يب يب عارفة انه كانت حتجيني محشات للصبح :p

    و الحمدلله انبسطت و غيرت جو

    آخرتها أتصاحبت مع وحدة أكبر مني بـ 30 سنة ههههههههه

    ReplyDelete