Sunday, June 30, 2013

تجربتي مع متجر Sleek Makeup

السلام عليكم

اليوم حقولكم عن تجربة جديدة مع الشراء أونلاين

كنت بدور على منتجات سلييك للمكياج بشكل مو طبيعي 

و الحمدلله لقيت عالفيس بوك مندوبات في جدة يبيعوه ، و يوصلوا للمدن التانية

حنزل اللينكات بالأخير

المهم فطلبت من عندهم أمس ، 
وقالوا لي انه الطلبات متوفرة و حيكلموني بكرة عشان نتفق عالمكان

و اليوم المغرب اتصلوا عليا و أخدتها منهم 

الحمدلله خدمتهم كانت سريعة و تعاملهم راقي و حلو ، 
و طبعاً الدفع كان عند الاستلام

و ان شا الله حتعامل معاهم مستقبلاً

هادا الي أشتريته منهم :

البلاشر دا من أكثر المنتجات مبيعاً عندهم 



و دا سواتش للألوان ، 
ها يجي مني أعمل لكم سواتشز ؟ هع

نجي للأرواج ، 
أرجوكم لا تاخدوا فكرة ماسونية عني ههههههه


الي فوق اسمه تشيري 
Cherry 790
و الي تحت اسمه ماجيستك
Majestic 836



و بس كدا :)

يارب أكون شجعتكم و حمستكم تجربوا الماركة دي ، 
لأنها فعلاً ممتازة و لاحظت كتير من البلوجرز الأجانب يتكلموا عنها و يمدحوها

لو قد جربتوا الماركة قولوا لي آرائكم في قسم التعليقات أسفل
و لا تنسوا تعملوا لي فولو من الزر الي عاليمين
و أعطوني وورد أوف ماوث حلو لو تكرمتوا :p 

ابقوا سُعداء ~

- بيانولا

6 comments:

  1. لأول مرة أسمع عنها بس تحمست عليها من كلامك. كيف ثبات الأرواج؟

    ReplyDelete
  2. ثباتها مرة كويس و جميل ، يعني تفضل عالشفايف فترة لا بأس بها لكن طبعاً مع الأكل و الشرب يخف لكن بنسبة بسيطة ، أصلا بالضالين خرج من يدي هههههه

    بس الأفضل قبلها مرطب لأني سمعت انها تنشف الشفايف شوية ، بس ماحسيت بكدا حمدلله

    و حستنى رأيك فيها لمن تجربيها

    :)

    ReplyDelete
  3. سمعت عن سليك ميكاب بس ولا مرة جربت لانه ما عرفت من وين اشترس.. بس اتشجعت على الاونلاين ستور الحين

    شكرا على البوست

    Btw, I tagged you on 'beauty blogger tag', please check it out:
    http://www.albalsamlife.com/2013/07/beauty-blogger-tag.html

    I'm looking forward to read yours :)

    ReplyDelete
  4. عفواً يا جميلة ومبسوطة لأني حمستك :) ~

    Ayayayayy :DDDDD my first tag

    thnx <3 !

    * now answering hehe*

    ReplyDelete
  5. ماشاء الله اشياءك حلوا بالتوفيق حبيبتي او شكرا كتير على المعلومات

    ReplyDelete
  6. لو سمحتي كيف طريقة الطلب ؟

    ReplyDelete