Thursday, January 30, 2014

Been's Giveaway! قيف آواي بيانولا الأول *انتهى*



 السلام عليكم

و أخيراً البوست المنتظر ووت وووت

متحمسة معاكم ترى ههههههه

أول قيف آواي عالمدونة 

مناسبته هو تخطي الـ 20 ألف مشاهدة للمدونة + 
تجاوز الـ 1000 متابع على التويتر و الانستقرام
الحمدلله
و طبعاً لأنكم أثرتوا في حياة بيان قبل لا بيان تؤثر فيكم و دا شي بسيط عشانكم

أول حاجة حقولكم اش هي أقسام القيف آواي

1) كتب
2) ميك آب

لكل فئة حيفوز 2 فيها ، يعني المجموع 4 فائزين ان شا الله

الشروط راح أرفقها بالأخير 

طبعاً الأغراض مني أنا ، بدون رعاة و قروشة
نبدأ بالكتب ..
 زي ماقلت 2 راح يفوزوا فيها .. 
كل فائز راح يحصل على 3 كتب متنوعة
* + في كتاب رابع راح يستلمه الفائز كمفاجئة بسيطة *

المجموعة الأولى

 1- مصاصو دماء العواطف للدكتور آلبرت برنشتين
حعترف إني لسى ماخلصت الكتاب لكن قرأت منه مقتطفات و عجبني
و الي نصحوني بيه ناس أثق في حسهم الأدبي و الفكري 

2- التحول لـ تاماكي يامازاكي 
كتاب خفيف و مرة فادني، حيخليكم تعيدوا تقييم أيامكم

3- Diary of a Wimpy Kid
طبعاً دي سلسة قصصية معروفة و سووا منها أفلام
جداً مسلية و جداً مفيدة للي حابين يتعلموا إنجليزي
* لاء ماهي حقت أطفال لو سمحتوا :p*

المجموعة التانية

 1- أسرار الشخصية الناجحة للدكتور إبراهيم الفقي الله يرحمه
 سويت تدوينة كاملة عن الكتاب، جداً مفيد و جداً ممتع 
خصوصاً إنه يستعمل ألوان و شروحات من جوا 

2- Diary of a Wimpy Kid
نفس الكلام الي فوق، بس دا الجزء التاني تقريباً للسلسة 
بس ماحتفرق معاكم لأنه كل جزء منفصل عن التاني

3- The Alchemist
رائعة باولو كويلو الفلسفية .. رواية جميلة و لغتها سهلة و معانيها عميقة
راح توديكم لعوالم تانية كلياَ

بالنسبة لشروط الإشتراك:
أول حاجة أحب أقولكم انه الي سجل في المجموعة الأولى
يقدر يسجل في المجموعة التانية عادي

تاني شي راح تدخلوا [ هــنـــا ] للمجموعة الأولى

و [ هـــنـــا ] للمجموعة التانية

هي دي الشروط بس لازم تسووها من نفس الموقع عشان يتسجل الاسم

- تكونوا مسويين لي فولو عالتويتر
- عالمدونة
- تنزلوا صورة المجموعة الي عجبتكم عالانستقرام*الصور أسفل*
تحت هاشتاق 
#BeenGiveawayBooks1
أو 
#BeenGiveawayBooks2 
1 للمجموعة الأولى
2 للمجموعة التانية

و الشرط الإختياري هو متابعتي عالانستقرام

هادي الصور الي راح تستعملوها من بعد إزنكم







دحين ندخل في الميك آب 
* قرع طبول لو تكرمتوا * :p

المنتجات من ماركة إيلف ELF
أول شي أحب أشكر و أبوس راس [ نــون ] حبيبتي الي تعبت معايا

المجموعة الأولى
- مثبت المكياج Lock and Seal
- جل شفاف للحواجب و الرموش
- آيلاينر كريمي لونه تركوازي
- أوراق لإزالة الدهون أو اللمعان وسط المناسبات
- بلشر و برونزر كريميين 
- بلاشر كريمي وردي
- أحمر شفاه مرطب

المجموعة التانية:
- مثبت المكياج
- بلاشر كريمي
- أحمر شفاه مرطب
- جل الحواجب و الرموش
- آيلاينر أسود
- عدة حواجب، جزء بودرة و الجزء التاني شمع
- فرشاة بودرة

الشروط يا عزيزاتي:

نفس فكرة الكتب تقدروا تسجلوا في المجموعتين
هــنـــا ] للمجموعة الأولى
و [ هــنـــا ] للمجموعة التانية

و تتبعوا الخطوات

- تكونوا مسويين لي فولو عالتويتر
- الانستقرام
- المدونة
- تنزلوا صورة المجموعة الي حابين تفوزوا بيها  *الصور أسفل*
في هاشتاق 
#BeenGiveawayELF1
أو  
#BeenGiveawayELF2

طبعاً 1 للمجموعة الأولى و 2 للمجموعة التانية 

و دي الصور الي راح تستعملوها



مدة القيف آواي حتكون من اليوم 30 يناير إلى نهاية 13 فبراير

و بعدها راح أعلن عن الفائزين في التويتر بعد ما أتواصل معاهم

بالتوفيق للجميع و يارب تكونوا أتحمستوا ^ـــ^

كلموا الي حواليكم حمسوهم معاكم و خلوهم يشاركوا كمان D:

إزا عندكم أي استفسارات فالآسك مفتوح ، 
اللينك على يمين الصفحة (:

ابقوا سُعداء

- بيانولا

1 comment:

  1. حبيبتي بيان :))))))))))) تعبك راحة يا جميلة ... وان شاء الله القيف اوايز تتكرر يارب :)

    ReplyDelete