Friday, January 17, 2014

تقييم مكياج ماركس و سبنسر .. Marks and Spencer Makeup Review

English Version is Provided

السلام عليكم 

و أخيراً إجازة ووت ووت 

*حماس متأخر* 

المهم .. اليوم حنتكلم عن بعض من منتجات ماركس و سبنسر التجميلية 

زمان عالانستقرام وريتكم المكياج الي عندهم

هم عندهم مجموعتين ، مجموعة الليميتد الي تعليبها بناتي و رخيصة 

و مجموعة الأوتوقراف الي تعليبها أسود فخم و أغلى من التانية

  يلا نبدأ بسم الله ؟

Hey, Sugar Buns! 

So today I'll be reviewing some 
Marks and Spencer's beauty products 

They have two collections;

Limited .. That has a cute packaging and low price
Autograph .. Which has a black fancy packaging 
and higher value ofc


أول شي حتكلم عليه هو البودرة 
 First, The Powder



 جربتها مع أكثر من نوع كريم أساس و كانت في البداية تغطيتها جبارة .. 
تثبت المكياج بشكل حلو و مايبين كانك عبارة عن كيس دقيق متنقل

I tried it with different foundations, at first it was PERFECT! It made a beautiful natural coverage 

طبعاً الكلام دا أول 3 ساعات بس 

تعالي بعد 3 ساعات و نص .. 
حتلاقي وجهك قلب الساحرة حقت هانسل و قريتيل !! مامزح والله ، 
البودرة فجأة تتكتل و تبين الوجه تعبان و ملخبط

شوفوا كمان كيف لمن جيت أسويلها سواتش .. 
انه تتفتفت و ملمسها كانك تحكي خشب !!

على قد ماكانت درجتها مناسبتني على قد ماحقدت عليها 
في المواقف الي بينت وجهي غلط لوول

سعرها كان مابين الـ 60 إلى الـ 80 ريال

That applied only on the first 3 hours but later on, my face turned into the witch of Hansel and Gretel! I ain't kiddin'! 
My face became cakey as if I ran into a bag of flour!

Notice how it has crumbs when swatching it
It felt like wood on my finger :/

تاني حاجة الماسكارا
Second babe is the Amplified Lashes Mascara


فرشاتها أول مرة تمر عليا .. أنفجعت لمن فكيتها بصراحة هههههه
هي فكرتها انه الأطراف عريضة و الوسط رفيع و مقوس 
عشان يغطي الرموش كلها و تقدري توصلي للأطراف بسهولة

بالنسبالي كانت مزعجة لمن جيت أحطها عالرموش الي تحت لأنها تركت آثار

بس كتأثير فهي أدتني سواد و كثافة بسيطة
لكن بعد يمكن 5 طبقات
و بعد الـ 5 حسيت انها أتكتلت شوية عليا

شوفوا كدا

The shape of the brush was new to me, it freaked me out :p
The idea is they made the edges thick while the center is curvy and thin 

I didn't like it when I applied it on my lower lashes 
because it got smudgy and all

But as an effect, after 5 layers it got clumpy 

It gave me more blackness and 40% volume

See for yourself




يعني حسيت غيرها أحسن بكتير

سعرها كان 79 ريال تقريباً

آخر شي ظل عيون من مجموعة الليميتد
 The last product is this cute eyeshadow from Limited

برضوا حتلاحظوا الفتفتة الي وريتكم هي في البودرة .. مزعجة مو ؟

المهم هو دا الي ممكن أحبه .. لونه فاتح و هادي بنفس الوقت

يعني ينفع لو أستعملتوه للنهار مثلاً على كل الجفن 
و شوية تحديد للزاوية الخارجية و خلاص

بس لازم برايمر قبله لأن اللون شوية خفيف

You can see that crumbs just like the powder, pretty annoying huh? 

Anyways, I loved this eyeshadow, it's light and simple

You can work it on the eyelids with a simple contouring on the crease and you're good to go :D

But you'll need a primer first because it's not that pigmented 

و كدا خلصنا بوست اليوم

يارب تكونوا أستفدتوا منه 

و ازا جربتوا أي شي من ماركس و سبنسر قبل كدا 
أكتبوا لي تجاربكم في قسم التعليقات أسفل أو عالتويتر و الانستقرام 

أو ازا عندكم أي استفسار فالآسك مفتوح لكم 

@Bayanola92

ابقوا سُعداء

- بيانولا ~

And that's it :D
I hope you guys enjoyed my reviews 

Please leave a comment below on whether you've tried M&S beauty products before or not

Stay Happy

- Bayanola ~

2 comments:

  1. جربت من عند ماكس وسبنسر الهايلاتر..كان اوكي بس طبعا في ماركات غيره افضل
    وجربت ارواجهم وكانت سيئه وتخطط على الشفايف
    اللي حبيته من عنهم هي مجموعه قلوزات الوانه تثبت وما تنمسح بسهولة

    ReplyDelete
  2. ميرسيييييييييييييي كتيييييييييييير بوست مفيد جداااا

    ReplyDelete