Wednesday, March 5, 2014

مجموعة بودي شوب لربيع 2014 - The Bodyshop Spring Collection

English Version is Provided


السلام عليكم

من فترة بودي شوب أطلقت مجموعة جديدة في مارس بمناسبة الربيع

من ضمنها منتجات عناية و مجموعة ميك آب " لمدة محدودة بس "

دي مجموعة المكياج الي نازلة دحين

So since we're in March, the bodyshop has launched a new makeup line which is limited edition

و دي مجموعة التوت + مرطب شفاه
Also skin care line with blueberry
* مرة لزيزة الليفة مو ؟ *

المهم يلا نبدأ


أحب أعرفكم برفيق دربي الجديد و حبيب قلبي :$
دا سيروم زيتي معالج بالفيتامين إي
غطاه زي القطرات 
تقدروا تطبطبوا بيه عالوجه قبل النوم أو تخلطوه 
مع الكريم المرطب الي من نفس المجموعة
مرة يرطب الوجه و يخفف آثار التعب و لمن تصحي من النوم تحسي وجهك هااااادي 
هو يمكن في البداية تحسوا قوامه زيتي بس بالنسبالي 
بشرتي أتشربته بسرعة و ماكان مبين وجهي انه مدهن لأنه المنتج أصلاً مو دهني
سعره 99 ريال

So this little fella here is my new mistress :p .. It's an oil serum with Vit-E .. It helps moisturizing the face and makes it brighter .. It's my current fav 


جل مبرد بالصبار للبشرة الحساسة

أنا قبل كدا جربت منتجات من خط الصبار و ماناسبتني أبداً :( 

بس دا نسبياً كويس ، لمن بستعمله عالوجه أحسه يرطب البشرة من غير مايخنقها و أعتقد كلمة " مبرد " بمعنى مهدئ للبشرة لانه يبينها مصحصحة حبتين

Soothing gel with Aloe for sensitive skin
Cools your face and moisturize it :D
زبدة شفاه بالتوت الأزرق من المجموعة المحدودة

زي مرطبات بودي شوب الباقية، ترطيبها مرة حلو 
خصوصاً لمن تكون الشفاه ناشفة ولو تحبي ريحة الفاكهة فدا رح يعجبك
هو يمكن مايختلف كتير عن بقية المرطبات، 
بس حيكون إضافة حلوة أو تغيير

Blueberry lip butter 
Just like any other lip products, nothing special abt it


و دي أجدد فكرة في بودي شوب - طباشير الشعر

فكرتها طبعاً سهلة مايبالها ، حطوا منشفة حوالين أكتافكم 
و أمسكوا خصلة و مشوا العلبة عليها 
و رشوا مثبت شعر عشان يمسك اللون أكتر

لمن جربتها أول مرة ماعجبتني، اللون كان يختفي بسرعة وخشن شعري بقوة بعد المثبت .. سبتها ورجعت جربتها تاني ، لقيت اني ماكنت بضغط كفاية عالشعرة و ما أحتاج مثبت كتير .. بس حاولوا تبعدوا عن الوجه لأنها تبقع كتير -_-"

سعر الواحد بـ 69 ريال

Hair Chalk .. Something new and twisted .. I liked these 2 a lot, works great for parties and " goin crazy " kind of moments lol

و ندخل في الميك آب


مجموعة ظلال لامعة جديدة وردية
بالرغم من إني مو من " عشاق " الوردي إلا انه مرة عجبني
و الألوان قوية شوفوا دي من غير برايمر
و لو بخيتوا عليها مثبت مكياج أو الفكس بلس أو حتى رشة موية بسيطة رح تبان الألوان أقوى 

The new shimmery quad, it's so freakin pinkish xD
and I love it! the pigmentation is great and would look better with a hint of water spray



ملمع شفاه بالورد

أنا عادة ماحب الحاجات اللميعة عالشفة بس دا جميل جداً 
عشان ريحة الورد و أنا مرة أحبها 

ثباته حق ساعة كدا أو أقل لو كنتوا حتاكلوا أو تشربوا

Lipgloss with Rose 

Again, nothing special .. Just the wonderful rosy scent xD

و بس دا كان بوست اليوم

يارب تكونوا استفدتوا

ولو جربتوا شي أو ناويين على شي شاركوني 

و كل وسائل التواصل معايا في أعلى الصفحة عاليمين

ابقوا سُعداء

- بيانولا ~

I hope you guys enjoyed today's post

All my links are at the top right <3

Stay Happy xx

- Bayanola

5 comments:

  1. I really love your reviews, and I'm going to be trying out some of the products you mentioned. Please continue your amazing work.

    ReplyDelete
  2. This comment has been removed by a blog administrator.

    ReplyDelete