Monday, March 17, 2014

تجهيزاتي لشنطة السفر

السلام عليكم

طيب بما انه الإجازة قربت و في ناس حتسافر 
و في ناس رح تجلس في البيت وتستغل الوقت
* و أنا أغبط الناس الي من الفئة التانية على فكرة * 

المهم فأنا مسافرة ان شا الله بعد أقل من أسبوع

فقلت أخلي البوست خفيف كدا و ان شا الله ينفعكم سواء دحين أو بعدين

المهم يلا نبدأ بسم الله
  أول شي شنطة الطيارة: 




*أخدتها من كاربريزا من زمان 
وماستعملتها عشان خايفة تتوسخ :p*

المهم عادة لمن أسافر أحب أشيل معايا سناك 
سواء للطيارة أو للخرجات بعدين

طبعاً تقدروا تتجاهلوا الخيار دا xD

بس حقولكم على الحاجات الي أنا آخدها 
* عادة أكتفي بواحد نوع من الي راح أقولهم *

- مكسرات نية
- ألواح شوفان * زي حقت كيلوقز أو نيتشور فالي*
- فاكهة مجففة

أحطها في حافظات أشتريتها من بندة 
و تقدروا تلاقوها في ساكو كمان ، زي دي


-  الكندل + كتاب ورقي

- الآيبود والسماعات خصوصاً لو على الرحلة في سيمفونيات بكاء و ازعاج

- شنطة فيها كريمات للطيارة و عدة طوارئ



- النظارة الشمسية

- شنطة المكياج 
*مارح أحتاجها في الطيارة لكن أحب أتطمن عليها وهي معايا*

- الشاحن المتنقل 

- المحفظة 

- كيس فاضي " أحسه دا رمز الأمان عندي في كل شنطة لوول " 

شنطة المكياج:


مارح أستعمل المكياج في كل أيام الرحلة، أيام محددة بس
لكن أخدت كزا حاجة زيادة في حال مزاجي حب يتغير xD
و في حاجات لسى حجربها فمتحمستلها ^.^



 و بالنسبة لمنتجات الاستعمال اليومي فحطيتها في شنطة جوا شنطة الملابس



الشنطة الفتاكة دي تلاقوا زيها في الهنداوية أو مهجة والمحلات دي
" فيكتوريا سيكريت عندهم نفس الفكرة"


و حطيت المنتجات الي أباها في قوارير و علب بلاستيك 
أشتريتها من دايسو دبي و في زيها في مهجة و ميني

الفكرة دي توفر عليا مساحة مرة كبيرة 
و أضمن أكتر انها مارح تنكب أو يصير لها شي لا سمح الله




- كريم مرطب للجسم
- زبدة جسم لليل
- كريم لليد
- غسول منظف للجسم
- مقشر للوجه
- غسول الوجه
- تون
- ديودرنت بيزلين 
- واقي شمس نيتروجينا
* آخر 2 اكتشفت انهم ناقصين بعد التصوير -__- *

شنطة تانية لمنتجات مابعد المكياج و الليل 




بالنسبة لشنطة الملابس

السفرة رح تكون قرابة الـ 6 أيام بس 

و أنا محتاجة مساحة كبيرة تكون فاضية

فقللت عدد البناطيل إلى 3 بناطيل 
+ البنطلون الي أوريدي حطلع بيه من جدة

و البلايز بعدد الأيام + جاكيت واحد للبرد 

و بعدين الأساسيات المتعارف عليها x)

 و بس هو دا تجهيزي للسفر 

يارب أداكم البوست أفكار تفيدكم 

وسائل التواصل معايا عاليمين في أعلى الصفحة

* حتوحشوني * 

ابقوا سُعداء

- بيانولا ~

4 comments:

  1. مشاء الله عليك مرة مرتبه
    ودقيقة، حبيت طريقة تنظميك واستغلاك
    للمساحات :-)
    استفدت صراحه
    ثانكيووو. ورحلة سعيدة

    ReplyDelete
  2. حبيت ترتيبك تقريبا مشابه للاشياء اللي اخذها معاي بس انا ذابحني كلمة احتياط يمكن احتاجه ،، اصلا ف الاخير كله ف الشنطه �� ههههه يب صح حبيت الشنطه اللي ف مهجه مررره بطله يبغا لي اروح اخذ وحده

    ReplyDelete
  3. WOW your bag stuffed almost everything you need during travel time :") cute

    ReplyDelete
  4. تدوينة ممتعة :)
    لقد وصلت إلى المدونة عن طريق صديقة تتابعك دائماً
    أود سؤالك عن احتمال نشر مواد أخرى متعلقة بالسفر على مدونتك، هل يوجد بريد الكتروني يمكن أن نتواصل عليه؟

    هذا بريدي
    شكراً :)

    طوني

    ReplyDelete