Sunday, March 30, 2014

مقدمة في الحواجب

 
السلام عليكم

سوو .. كالعادة ماعرف أكتب مقدمة ، 
بوست اليوم حيكون عن الحواجب * بالله؟ * لوول

قبل لا أبدأ أبى أقولكم انه كل شي مكتوب هنا هو من وجهة نظري الخاصة
يعني لو في أحد كان يسوي شي عكس الكلام حقي فدا عايدي جداً
لأنه المكياج فكرته انك تسوي الشي الي تشوفي انه يظهر جمالك و يصقله 
حتى لو كانوا كتيرين يعارضوكِ
* في حدود المعقول طبعاً * xD
لو كان في اختلاف بين وجهات النظر، 
جربي الطريقتين و اختاري بعدها الي ناسبك

رح أشرحلكم حواجبي

هي خفيفة نسبياً و ماقد صار لها صبغة أو تشقير حمدلله 

صح في شعر زايد عن الخط الرئيسي بس مافكرت ألعب فيه

لأني أؤمن انها موجودة لغرض ، 
و إزا أباها تختفي مؤقتاً فأستعمل المكياج لها :)

- اختيار لون الحواجب:

لو لون شعرك غامق مهما كانت درجته فاستعملي اللون البني 
عشان اللون الأسود للحواجب يطلعها مرة عريضة و حادة ، 
بينما البني رح يديها رسمة ناعمة و طبيعية أكتر


و ازا لون شعرك أشقر أو فاتح مرة فبالتالي تروحي لبنيات فاتحة 
أو الي تحسيه كدا بني فاتح رايح لرمادي



 - شكل الحواجب

كل وجه له رسمة حواجب معينة تناسبه 

شوفوا كيف لو وحدة أختارت رسمة ماتناسب وجهها


- طريقة رسم الحواجب

أول شي تحتاجي تحددي إزا كنتِ تبي تستعملي شمع أو بودرة
من وجهة نظري، أشوف الشمع يدي منظر حاد للحواجب و مزعج لمن تمسحيه

بينما البودرة خفيفة و تبان طبيعية أكتر و ثابتة برضوا

بعد ماتحددي شكل الحاجب 
تبدئي ترسمي زي كدا بفرشاة مشطوفة


- تبدئي تحددي الحاجب من أسفل
- بعدها تحدديه من فوق لكن تبدئي من الأخير ، 
عشان لو بدأتي من أوله فراح يكون مرة عريض
- بعد كدا تعبي الحواجب و تبدئي من النص 

و الشعر الزايد إزا مضايقك فتقدري تحطيله الكونسيلر 


في حلول أسهل لموضوع الشعر الزايد و هو التشقير 
و أنا شخصياً ماقد جربته  و ان شا الله رح أفضل على كدا
ليش ؟
لأنه ماحب فكرة " الكذبة الي تفرح "
بالاضافة لانه شكل الحواجب عن قرب يكون منفر بالنسبالي
خصوصاً لو كانت درجة اللون ماتناسب الشخص

أنا أفضل انه الواحد يتقبل ذاته بكل مافيها
و ربنا خلقنا في أحسن صورة
فشعرتين زيادة ماراح تقتلنا 
بالعكس أنا فخورة بالزيادة و أشوفها تكمل شكلي حمدلله

- المنتجات الي أنصح بيها

عدة سلييك ، 
ماهي متوافرة عندنا لكن تقدري تطلبيها أونلاين أو من التاجرات
و جداً رخيصة ، ماتوصل 30 ريال 
تجي بودرة + شمع


عدة إيلف للحواجب
برضوا هادي مو متوافرة في المحلات

عدة ذا فيس شوب

عدة ذا بودي شوب
عدة مكياجي

كمان الماسكرات الشفافة
عند مكياجي، بودي شوب أو إيلف
حلوة لتثبيت الحواجب أو حتى لو أستعملتيها لوحدها

و لو مانتي حابة تدفعي في عدة حواجب
تقدري تستعملي أي ظلال عيون بني مطفي 

و بس هو دا الي عندي بخصوص الحواجب

أتمنى أفادكم ، ولو عندكم أي سؤال فالآسك حقي مفتوح لكم

و وسائل التواصل معايا في أعلى الصفحة عاليمين

ابقوا سُعداء

- بيانولا ~

1 comment:

  1. دوبي بأطالع في حواجبي وأأنب نفسي ع التهور اللي جاني وخلاني أشقرها قبل مدة .. أيوا عريضة، وفيها زوايد، بس مرتبة
    عموما، وأنا أحب نفسي زي ما أنا، وأعرف إن ربنا جميل وما يخلق إلا جميل... شكرًا إنك طرحت هالنقطة ^^

    ماسكرا N7
    الشفافة حلوة كمان، خفيفة، وترتب ^^

    ReplyDelete