Wednesday, March 12, 2014

تقييم السي سي كريم من بورجوا .. Bourjois CC Cream Review

English Version is Provided


السلام عليكم

من فترة نزل السي سي كريم الجديد من بورجوا ومرة أتحمست أجربه

طيب أول شي اش هو السي سي كريم؟

سي سي = كولور كوركشن *مصحح اللون*

فحق بورجوا بيقولوا على العلبة انه يسوي 3 حاجات:

1- اللون الأخضر عشان يخفف احمرار البشرة
2- اللون البرتقالي عشان يخفف هالات ماتحت العين
3- اللون الأبيض عشان يعطي اضاءة 

تجي منه 4 درجات ، أنا أخدت 31 و 32 

31 كانت مشكلتها انها رايحة على وردي 
و 32 كنت أشوفها غامقة عليا في المحل

و مع ذلك أشتريت الدرجتين لوول

في البداية كنت أخلط الدرجتين سوا ، 
الغامقة أكتر من الفاتحة عشان هاديك وردي فخفت أصير مولان xD

عموماً الخليط كانت نتيجته حلوة بس كنت متخوفة من فكرة 
انه وجهي يبان جزء وردي جزء أصفر 

فقررت أستعمل الغامقة لوحدها و أسيبها تبرد على وجهي

و فعلاً لمن جربتها كان لونها جي أحسن على وجهي حمدلله  

غالباً لأنه لمن أحطه بحط طبقة خفيفة ومرة وحدة 
فتندمج مع لون البشرة الأصلي

So I've finally gave Borjouis CC cream a try :D

I took two shades to try, 31 and 32

31 had a pink undertone
32 looked darker than my skintone

so I mixed them together and the result were acceptable and nice

but I also gave 32 a try on its own and it was amazing! It didn't look dark at all
 

Pros:

- Higher coverage than BB creams
- Hidden spots and discoloration
- Light on the skin
- Super blendable
-Liquidy
- Makes your skin glow and kinda dewy

Cons:

- Stayed great for 4 hours and then started to fade *with no powder application*
- If I didn't moisturize my skin before applying it, dry patches arise lol

كيف كنت أستعمله؟
- أرطب وجهي بمرطب تقيل " سيتافيل "
- برايمر بينيفت
- السي سي كريم بيدي أحط نقاط متفرقة و أدمجها باصابيعي
* لسبب أجهله، السي سي والبي بي كريمز ما أعترف بيها الا باليد أما كريمات الأساس بس هي الي بالفرش لا تسألوا ليش لوول*

عجبني عشان:

- تغطيته أعلى من البي بي كريم
- أخفى البقع حقت الحبوب و وحد لون البشرة
- مرة خفيف عالبشرة و مايكتمها
- يندمج بسرعة
- قوامه سائل و كمية بسيطة منه تكفي 
- يخلي منظر البشرة رطب و متوهج

لكن لاحظت انه:

- ثباته ماحسيته مرة قوي، يعني قعد معايا 4 ساعات 
و بعدها بدأ يخف أثره عالبقع وصارت تبان، 
لكن لو مثلاً بشراتكم دهنية جربوا انكم تثبتوه ببودرة،
أتوقع حيثبت أكتر

- مايرطب بشرتي*وهادي المفروض وظيفته*
فلمن أستعملته أول مرة بدون مرطب كتجربة
طلع لي قشور في المناطق الجافة عندي


بشكل عام هو حلو للنهار و الخرجات الخفيفة و سعره جبار
مقارنة بحق كلينيك مثلاً أو شانيل

بالنسبة لكريم العين


As for the CC eye cream

It gives a beautiful light under the eye and I'm pretty sure you won't need a corrector bcz it'll do the job for ya 

يعطي اضاءة حلوة لأسفل العين و مايخطط 
أتوقع مارح يقلب رمادي للي هالاتهم مرة غامقة
لأنه هو المفروض يصحح لكم اللون 
بس طبعاً جربوه في المحل أول و احكموا 

سعر السي سي بـ 60 ريال 
و اضاءة العين بـ 40 ازا ماكنت غلطانة

و دي سواتشات للمنتجات

 
ان شا الله تكونوا استفدتوا

قولوا لي لو جربتوه أو ازا ناويين عليه أو لا 

كل وسائل التواصل معايا موجودة في أعلى الصفحة عاليمين

ابقوا سُعداء

- بيانولا

I hope you enjoyed this post, please let me know what you think of the product if you gave it a try too

Stay Happy xx

- Bayanola

4 comments:

  1. وعليكم السلام ورحمة الله وبركاته

    يسلموا ياعسل على الموضوع ..بس عندي سؤال كيف ريحته ؟!!

    ReplyDelete
    Replies
    1. ريحة ورد تقريباً

      والله يسلمك يارب ^^

      Delete
  2. انا استخدمه تفريبا يومياً وعجبني صراحه بس احط بعده بودرة بنفت لان ماحب اللوك الديوي ويقعد معاي لاخر الدوام . ثتكيو ع الريفيو ❤️

    ReplyDelete
  3. طيب ، في لون يجي على يالو؟ ويصلح للبشرة الجافه

    ReplyDelete