Saturday, May 24, 2014

الشراء عن طريق الانترنت 102 : آمازون + آي-هيرب



السلام عليكم

سو تدوينة اليوم بناءاً على طلب من بعضكم

فان شا الله تستفيدوا أو تفيدوا أحد تعرفوه

هادا الجزء الأول من السلسلة لو ماشيكتوا عليه ( هــنـــا )

طيب أول شي حتكلم عن آمازون

هو موقع بيضم باعة ، يعني ماهي شركة وحدة ماسكة كل المنتجات

الشركات التانية أو الباعة المستقلين بيعرضوا بضاعتهم في الموقع

فبالتالي ممكن المنتج الواحد يتكرر مرات كتيرة 

مع اختلاف البائع - السعر - سعر الشحن .. إلخ

فدحين مثلاً نبى نشتري زيت جوز الهند 


و هادي نتايج البحث الي تطلع لي 


التقييم للمنتجات يفيدنا في انه نعرف ازا المنتج مضروب و لا أصلي 
و إزا كان البائع نفسه مضمون و لا أي كلام

لمن تضغطوا على الرقم الي جنب النجوم، رح يبين لكم آراء الزبائن 





و بس بعد كدا رح يبين لكم مختصر لمشترواتكم 
وعاليمين يوضح لكم قائمة الأسعار 
و تضغطوا على Place your order

و رح يجيكم تأكيد عالايميل و كل شي 
و كل ماينشحن غرض رح يرسلوا لكم

و عالبركة أشترينا من آمازون 

نجي لآي-هيرب

iherb.com

آي-هيرب أحلى ميزة فيه انه يوصل مباشرة للسعودية
يعني ماتحتاجوا بريد أمريكي و لا قروشة

وفيله منتجات عضوية و صحية و فيتامينات و ميك آب 
يعني هو كانه بندة صحية متطورة :p

و هو عبارة عن شركة وحدة ، 
يعني توصلكم الطلبات مع بعض مو مفرقة زي آمازون

دحين فرضاً اخترتوا خلاص اش تبغوا

لمن تضغطوا على Calculate ، 
رح يطلعلكم أسعار الشحن لكل شركة عندهم
أنا أستعمل الدي اتش ال

لمن تضغطوا Proceed to checkout



و بس بعد كدا حيقولكم أكيد عنوان الشحن هو عنوان الدفع؟
وبعدها يعرض لكم المشتروات بالأسعار
و تضغطوا تم و حيوصلكم تأكيد بالعملية

و عالبركة (:

أتمنى تكونوا أستفدتوا 
ولو عندكم أي استفسار
فالآسك حقي هو Bayanola92

ابقوا سُعداء

- بيانولا ~

13 comments:

  1. السلام عليكم
    ربي يسعدك ع الشرح الجميل
    بس عندي سؤال
    في iherb
    اقدر انا اختار اي شركه ابغاها ولا لازم اشتراك ؟

    ReplyDelete
    Replies
    1. وعليكم السلام ياهلا
      ويسعدك يارب شكراً <3
      و الموقع هو يحددلك بس 3 شركات

      Delete
  2. حبيبتي جد ماقصرتي واضح ومفهوم
    ممكن شرح كمان
    drugstore
    ومره شكراً

    ReplyDelete
    Replies
    1. ان شا الله قريب و لايهمك (:

      Delete
  3. مرره جميل الشرح شكراا
    بس سؤال الحين لما اطلب من اي هيرب كيف راح يوصلني؟ الشرح راح تتصل فيني وتوصله لبيتي او انا اروح استلمه من الشركه +ايش احسن DHL او UPS??

    ReplyDelete
    Replies
    1. عادة هم يحطوا الخيار الوحيد دي اتش ال ، وتقدري اما يوصلوها او تستلميها من الفرع الرئيسي

      Delete
  4. اختي عندي استفسار بخصوص النقطه الاخيره تبع الصراف عادي بطاقة صراف الراجحي والاسم الاي على البطاقه الاول والعائله صح ياليت وتوضحين اكثر انا ضعيفه بالانجليزي ربي يجزاك الجنه

    ReplyDelete
    Replies
    1. مافهمت السؤالين ،أتمنى توضحي

      Delete
  5. وعندي نقطه بعد بخصوص الاسم واللقب كيف بس اسم الاول والعائله الاي في النقطه قبل الاخيره تحمليني اختي حابه اطلب وماعندي احد يساعدني

    ReplyDelete
  6. يعطيك العافيه حبيبتي شرحك مرتب ومنظم..
    آيهيرب بالعربي

    ReplyDelete
  7. السلام عليكم
    يعطيك العافيه حبيبتي
    مشكوره ع الشرح المهم والمفيد
    عندي سؤال واتمنى تفيديني
    وش الارخص والاوفر الشراء من امازون والا iherb?
    اخترت كم شغله من iherb ولما بحثت عنها بامازون طلعت ارخص عندهم
    بس iherb يوصل دايركت للسعوديه وامازون ع البريد الامريكي بعدين تجي السعوديه
    فممكن تعطيني رايك 🌹
    شكرا مقدما..

    ReplyDelete
    Replies
    1. وعليكم السلام عزيزتي .. ايهرب رح يوصلها لكي دايركت ، والي حتدفعيه في ايهيرب تقريبا هو نفسه حق امازون ان ماكان اغلى

      Delete
  8. شرحك واضح عجبني، مدونتك كلها حلوة تعجبني كمان قناتك باليوتيوب جدا ملهمة
    متابعة لك
    مشترياتي من ايهيرب

    ReplyDelete