Saturday, June 14, 2014

تقييم البي بي كريم الجديد من مكياجي

 
السلام عليكم 

من فترة أشتريت بي بي كريم من مكياجي كان نازل جديد 
و أتحمستله خصوصاً انه كنت أبى شي جديد للصيف والحر

كتيرين منكم عالانستا مايحبوا مكياجي 
فجبتوا لي اكتئاب شوية وخفت على وجهي هههههه

المهم هو يجي بـ 4 درجات تقريباً و أنا أخدت درجة 2 
* غامقة شوية عليا بس برضوا عاجبتني * 

فيله نسبة حماية من الشمس بنسبة 15 
وطبعاً حاجة مالها داعي بصراحة لو ماحطوها أصرف 

قوامه سائل/كريمي 
و تطلع مجموعة ألوان غريبة أول ماتخرجوه من العلبة

بس بعد مايندمج يطلع لون طبيعي

زي كدا:


تغطيته من خفيفة/لمتوسطة

يعطي لوك ديوي و يبين وجهك مصحصح 

ولو عندك عيوب عالبشرة 
تحتاجي طبعاً كونسيلر فوقه لانه مارح يغطي

و ثباته عالي حتى مع الحر

جربته في فترة العصر و المسا

والحمدلله ماتحولت للجوكر حق باتمان xD

بس الي بشراتهم دهنية غالباً رح يحتاجوا لبودرة تثبيت 

أنا أشوفه مناسب للصيف و الطلعات الخفيفة

خصوصاً انه ماتحسوا في شي كاتم على وجهكم 

وماسبب لي مشاكل في البشرة ، 
أهم شي تنظفوا البشرة كويس مرة

بس المشكلة الوحيدة الي واجهتني ، هي ريحته الغريبة .. 
أول ماتحطيه تشمي ريحة تفكرك بأرواج بورجوا الجديدة

بس بعد فترة ماتشميها خلاص

سعره بـ 65 ريال تقريباً

الخلاصة: أحبه جداً <3

أدوه فرصة و جربوه في المحل

وسائل التواصل معايا في أعلى الصفحة عاليمين

ابقوا سُعداء

- بيانولا

0 comments:

Post a Comment