Thursday, June 26, 2014

تقييم فرش + اسفنجة Real Techniques

السلام عليكم 

أنطلبت أقيم فرش ريل تكنيكس و استخدامات كل فرشاة 

دا الكلام من زمان فأعتذر جداً عالتأخير 

المهم بسم الله 

أول شي حتكلم عن الجميلة دي



اسفنجة ريل تكنيكس البديلة عن البيوتي بليندر " الي لونها وردي " 

تقدري تستعمليها ناشفة أو مبلولة

و هي ناشفة بصراحة ماجربتها إلا شوية 
و حسيت انها قاسية عالوجه و أكلت كل الفاونديشين 

بس لمن أمرر عليها موية و أعصرها تقوم تكبر شوية 
و تتحرك بسهولة أكتر عالوجه

تعطي تغطية متوسطة و طبيعية و ديوي شوية بسبب رطوبتها

الجزء المقوس دا حلو لكونسيلر ماتحت العين 
و ماتحسوه يضغط بقوة عالمنطقة

و دحين دي الفرش الي تنباع منفصلة ، 
يعني ماتجي في مجموعة أو شنطة


 دي فرشاة البلاشر الكبيرة ، ماعرف ليش باينة هنا مفطوسة بس مشوا xD

حلوة للبلاشر البودرة ، راسها حلو و مدبب ويمسك المنتج بأمانة 

تعجبني عشان الجزء المدبب دا ، مو مسطحة زي الفرش الي تنباع في المحلات
 

 اسمها Setting Brush انه يعني تثبت .. 
فاستعمالها جميل للبودرة الحرة أو المنثورة خصوصاً لو تحت العين 

و تقدروا تستعملوها لتثبيت الكونسيلر أو تسووا بيها كونتور " نحت " للوجه

Stippling Brush ، الفرشاة دي جبارة للبلاشر الكريمي ، لو ماتحبي تلغوصي أصابعك زي حالتي و ماترتاحي لمن تحطي البلاشر بيدك فهادي مرة مريحة و عملية 

و آخر شي ، أشهر مجموعة مشهورة في ريل تكنيكس هي مجموعة الوجه 
هي تجي في شنطة سودا بس نسيت أصورها :$


فرشاة الفاونديشين

شبه دائرية و تعطي تغطية أعلى من الاسفنجة الي فوق ، 
هي الحل الأسرع بعد اليد في تطبيق الفاونديشين عالوجه 
أحياناً يبان الفاونديشين مخطط على وجهي بسببها 
بس بالتمسيد باليد تختفي الخطوط وتندمج 

و تقدروا تستعملوها للبودرة لو حابين 


دي الفرشاة أحسها تشبه كتير فرشاة الـ Setting الي فوق بس دي تخينة شوية xD

برضوا حلوة للبودرة المنثورة و التثبيت


الفرشاة دي أستعملها للكونسيلر والبودرة المضغوطة 
خصوصاً لو أبى أوصل لتحت العين و الأماكن الصغيرة

في ناس تستعملها للفاونديشين بس أحسها مشواااار xD


الفرشاة اللزيزة دي حلوة انكم تحطوا الأرواج بدقة في الحواف 

أو تحطوا كونسيلر عليها وتمرروا على حواف الشفة عشان تمسح أي شي زايد 

في مجموعة فرش العين و الي شخصياً ماجربتها لكن الي أعرفهم 
و جربوها قالوا ان شعرها خشن و ماتمسك اللون ولا تدمجه كويس

الفرش موجودة في صيدليات وايتس
و عالانستقرام عن طريق التاجرات
و مباشرة عن طريق الموقع 

ازا جربتوا فرش ريل تكنيكس قولوا لي كيف تجاربكم معاها

للتواصل معايا فحساباتي موجودة أعلى الصفحة عاليمين
تحت اسم Bayanola92

ابقوا سُعداء

- بيانولا ~

1 comment:



  1. البنات يشترون منتجات ريل تكنيك من هالموقع اضغطي هنابتروحين موقع ايهرب مرره يجنن المكياج..والشراء مررره سهل من هالموقع

    ReplyDelete