Friday, July 18, 2014

تغطية ايفينت لومار للعبايات 2014


السلام عليكم 

سو أمس لومار سووا ايفينت مغلق 
بمناسبة اطلاق مجموعة العبايات الأولى لهم 

حالياً العبايات موجودة بس في فرع الروضة في جدة 
أول ماتنزلوا من الكوبري المربع عاليمين

و شوية شوية رح يتوسعوا لبقية الفروع و المدن

و على فكرة كالعادة فالصور من تصوير الآنسة بنانة 
تقدروا تشيكوا عالانستقرام حقها ( @banansindi )

يلا بسم الله

فكرة الكولكشن انهم صمموا عبايات تناسب العصر الحديث 
بحيث انه الخامات تكون خفيفة وقت الحر بس بنفس الوقت ساترة 
و عملية في الحركة و الكرف و صمموا مجموعة للمناسبات 
و الي تكون بأسعار أغلى لأنهم استعملوا مواد أكتر و أرقى

الإتنين الي كانوا قائمين على التصاميم هم 
المصمم البلجيكي كريستوفر و مدام نهى 

و أسعار العبايات تتراوح مابين 900 ريال أو 800 إلى ماشاء ربي 


من العبي الي لفتت نظري وعجبوني ، هم دولا .. 
فكرتهم 3 طبقات من الكتان و تقدري تلبسيها بأربع طرق مختلفة

جداً حلوة و أنيقة للسفر 

سعرها تقريباً كان 3200 ريال






نزلتلكم في الانستقرام فيديو لعباية قلتلكم تنقفل بدون أزارير أو تعب ، 
شيكوا عليه لانه بنانة نسيت تصور الملونة بس هادي النسخة السودا منها







نزلوا كمان مجموعة طرح *بقرابة الـ 120 ريال* 
و كان في اكسسوارات من تصميم ليليان اسماعيل







دي مجموعة شوزات رجالية برضوا نزلت لها فيديو في الانستقرام




عطور رجالية معظمها داخل فيها تركيب العود و سعرها 250 ريال



متخيلين انه دا تصميم درج ؟ xD

هو طبعاً ماحتطلعوا بالشكل المشقلب دا ، لكنه زي الغلاف أو الواجهة للدرج العادي 

 

و آخر شي دي كرة ضغط مصنوعة من النايلون و مواد بسيطة وماهي مضرة 
جداً حلوة لمن تكونوا متوترين أو محتاجين تفشوا غلكم في حاجة


وبس هو دا كان الايفينت 

بشكل عام كان لطيف و مافيله طابع الرسمية و أستمتعت كتير حمدلله
شكراً للقائمين على العمل و المنظمين و ان شا الله تكون عجبتكم الجولة 

للتواصل معايا فعندكم الروابط عاليمين أعلى الصفحة 

ابقوا سُعداء

- بيانولا ~

0 comments:

Post a Comment