Sunday, July 27, 2014

لبس بيانولا لأيام العيد


السلام عليكم 

بما انه ثبت خلاص انه بكرة عيد ان شا الله 

فالله يديم علينا الفرح أعوام عديدة

ماعرف ليش متحمسة للعيد دا على غير العادة ماشا الله xD

عادة أكون آخر وحدة تعبي الملابس و كدا بس دي المرة 
من حماسي حوريكم اللبس حق الأيام الجية :p

بس بصراحة نسيت أصور الاكسسوارات فحنزلها في الانستا ان شا الله

المهم نبدأ بسم الله

بالنسبة لأول يوم 






البلوزة من نيولوك و في زيها في موقع فوغا كلوزيت
* وفي صورة للمودل نزلتها زمان في الانستا *

البنطلون من فورايفر 21

الشنطة من كاربيزا 
*المحل أبو سلحفاة خضرا لوول*

الشوز من نيولوك 

بالنسبة لتاني يوم ان شا الله حيكون لبسين واحد للاستقبال :p
و التاني للمسا برا البيت





الجاكيت من سنتربوينت 
الكروب توب من Garage
البنطلون من تيرانوفا
الشوز من سويت بلانكو

حلبس معاه عقد Choker لونه أسود دانتيل و فيله لولو
و اسورة لولو وفيها تعليقات ذهبية و ساعة ذهبية 

لبس المساء
* جمعة بسيطة *




  

البلوزة من بيرشيكا
البنطلون دانتيل من سيتي ماكس 
الشنطة من كارولينا بويكس *نزلتها في الانستقرام بالفروع*
الصندل من بريطانيا من Atmosphere

الاكسسوار حيكون تعليقة Statement كريمية
و اسورة و ساعة ذهبية

بالنسبة لآخر يوم فأنا كنت أبى ألبس فستان لانه حنكون في البيت
لكن مايلة للبس الي حوريكم هو دحين
لو غيرت رأيي حنزل الفستان في الانستا :p


 


 

 البلوزة من رد تاق
التنورة من اتش اند ام 
الشوز من سنتربوينت

الاكسسوارات حتكون ذهبية

و بس هو دا الـ لوك بوك حق العيد ;p

آخر شي أبى أوريكم هو الشي المسمى بـ " شنطة العيد "

مرة فكرتني بتصاميم شنط الهاي اند 
وعجبتني فكرة ان فيها فتحات كتير
خصوصاً اني أحب أشيل بيتي كله و أنا خارجة ماشا الله xD

أخدتها من كاربيزا برضوا
 


ان شا الله يكون عجبكم البوست

و عيد سعيد عالجميع 

وسائل التواصل معايا في أعلى الصفحة عاليمين

ابقوا سُعداء

- بيانولا ~

1 comment:

  1. حبيت كل شي وبالاخص ال شوز ... عيدكم مبارك وكل سنة وانتوا طيبين
    :)


    Nariman - www.narimantalks.blogspot.com

    ReplyDelete