Saturday, August 9, 2014

تقييم منتجات They're Real الجديدة من بينيفت

 
السلام عليكم

سوو أخيراً حقولكم رأيي بشكل رسمي عن الجل لاينر الجديد من بينيفت

طبعاً هم يقولوا انهم قرابة 5 سنين يشتغلوا عالتركيبة

فكرته انه جل لاينر زي حق ميبلين مثلاً أو انجلوت لكنه على شكل قلم

الراس حقه مشطوف عشان يسهل عملية الرسم 
و مطاطي عشان يتحرك معاكي بحرية
و تلاحظي في انحناء أسفل، 
دا عشان * يحضن * الرموش و يخلي عملية الرسم أسهل


المنتج يطلع بانك تلفي الجزء الأخير من القلم 
و يبدأ يطلعلك شوية شوية

تجربتي معاه:

- ينشف بسرعة غالباً لأنه أوريدي قوامه ناشف شوية
- ضد الموية و مستحيل يتحرك من جفنك 
- لازم تطلع كتلة مكعبرة من المنتج تخبص عليكي الشغل
- سواده فاحم ماعدا لمن يتقطع فجأة أو مايكون فيه كمية كافية
- يعمل سحبة الكات ايز بشكل سريع جداً و جميل

بالرغم من إني أحب أقلام اللاينر إلا انه ما أنبهرت بيه كتير

الشي الوحيد الي عجبني هو حكاية الراس 
الي حسسني اني حريفة في رسم العيون xD

دا السواتش حقه من النت
 Photo credit goes to swatchandreview

ممكن يكون عجبك و ناسبك عكسي أنا ، 
دا عادي جداً ومعناها انك ماشا الله تعرفي تجيبي راس المنتج :p

و مافي مانع انك تروحي المحل و تجربيه بنفسك عندهم 

و طبعاً عشان تشيليه لازم المنتج الخاص بيه 


وهو بصراحة الي عجبني كتير ، 
حسيته يشيل من قلبه و يسيب العين مترطبة عكس حق لوريال مثلاً

و بالنسبة للماسكارا فهي من زمان موجودة عندهم



فجداً جميلة لتطويل الرموش بشكل درامي 
بس لو زودتي الطبقات كتير راح تصير الرموش عنكبوتية

الأسعار من الموقع 

الجل لاينر 24 دولار
المزيل 18 دولار
الماسكارا 23 دولار

أماكن التوافر في وجوه - سيفورا - دبنهامز - فافافووم

وسائل التواصل معايا في أعلى الصفحة عاليمين

ابقوا سُعداء

- بيانولا ~

0 comments:

Post a Comment