Saturday, September 20, 2014

تنسيقات لجاكيتات الكيمونو من تصميم إيناس

السلام عليكم

سوو من فترة البلوقر إيناس " هنا مدونتها

أطلقت كولكشن جاكيتات كيمونو من تصميمها

فطلبت قطعتين ووصلوني في علاقات ملابس قماشية 
وريتكم هي في الانستا

القطعة الأولى جاكيت بيج ملائم للمناسبات والجمعات - خامته حرير

حبيت الحركة حقت الأطراف المثنية أحسها تحدد الشكل أكتر




حاطة في بالي انه لو حلبسه مفتوح كدا فتحته بلوزة بنية 
مع بنطلون بيج أو بني محروق مع صندل لحمي 
عشان التركيز يكون عالجاكيت بس

أو أقدر أعمل شي تاني زي كدا



أقفل الجاكيت بحزام عريض مع بنطلون سادة 
أو أستعمل حزام رفيع وأخلي نفس الجاكيت يكون مفتوح مو مقفل زي الصور

بالنسبة للقطعة التانية فهي جاكيت كحلي طويل من الشيفون البارد



دا شخصياً أحس ان مايحتاج لبس تقيل أو حاجات مزخرفة كتيرة ، 
بس قطع سادة و هو حيتكفل بالباقي

زي هنا مثلاً توب أسود أو أبيض مع بنطلون جلد 
أو شورت جينز فاتح يطلع حلو و رايق


أو حتى لو فستان بحر / ماكسي / صيفي وفوقه الجاكيت عشان يعطيه حياة
 

عجبتني التفاصيل في الأكمام و نهاية الجاكيت
 

سبب شرائي من إيناس قبل مايكون حبي للقطع 
هو إعجابي بطموحها و هدفها ماشاء الله عليها 
و هي حتكون محفز ليا ان شاء الله في المستقبل 

آخر مرة شيكت على حسابها لقيت انه بقيت 3 قطع عندها متوفرة ، 
لو حابين شيكوا على القطع ( هنا )

و قولوا لها تعمل كولكشن جديد D;

وسائل التواصل معايا في أعلى الصفحة عاليمين

ابقوا سُعداء

- بيانولا ~

1 comment:

  1. بيانوووو الله يسعدك ويعطيكي ربي الف عافية<3
    جمييييييلة تنسيقاتك, حبيت اللول عليه والحزام الفيونكة :*
    وانتي محفزتي في عالم التدوين وافكار البوستس :")
    تتهني وتفرحي بإختيارك :*<3

    ReplyDelete