Friday, October 31, 2014

مشترواتي في الفترة الأخيرة - Collective Haul




السلام عليكم

سوو من فترة وعدتكم بتدوينة مشتروات و أخيراً نزلتها

طبعاً هي المشتروات ماكانت دفعة وحدة ، 
على فترات طويلة مختلفة

فـ يلا نبدأ بسم الله و ماشاء الله

أول شي الكتب لو سمحتوا :p

من مكتبة الكتب المستعملة " جمعية مواكب الأجر " 
كتبت عنهم في الانستقرام لو تبوا تفاصيل أكتر

من مكتبة جرير لمن رحت مع صديقتي الجميلة غدير 


بالنسبة للفاشن 

أول 3 مشتروات من موقع فوغا كلوزيت
الفستان والبلوزة بـ 50 ريال للواحد بعد التخفيض
و الشوز بـ 180 ريال تقريباً




الفستان دا من نيولوك ، كان عليه تخفيض و صار بـ 100 ريال 
بعد ماكان 145 ، مو فرق كبير مرة بس فيها توفير فلوس يعني :p

الميك آب

طلبت من نوردستروم علبة أرواج من أوربان ديكاي ،
 6 أرواج صغيرة و محدد بـ 157 ريال ، أنبسطت بالسعر وطلبتها ، 
خصوصاً انها ليميتد اديشين وحركات يعني :p



 أخدت روج كمان من ماك ، 
كان من ضمن كولكشن الأرواج المطفية الجديدة حقتهم

درجة Fashion Revival

بـ 52 ريال تقريباً أو شي زي كدا 


و طبعاً فاكرين لمن كنت مسويتلكم صجة على باليت لوراك الميغا 
و الحمدلله أتسهلت لي و أشتريته من أمازون أول ماعرضوه

بـ 262 ريال تقريباً


ان شا الله حنزل صور للسواتشات و أكلمكم عنه براحتي بعدين xD

بلاشر جيفونشي الي نزلته من فترة عالانستقرام 

بـ 170 ريال من سيفورا ، و هو ليميتد اديشين 



متفرقات

من بن داوود علب على شكل كتب كلاسيكية ، 
طبعاً مايحتاج أقولكم مدى سعادتي بيها يعني :p ، 
و ان شا الله قريب حرجع آخد أحجام أكبر 

مرة حلوة عشان تخزنوا فيها منتجاتكم اليومية مثلاً 
أو إزا تبوا ترفعوا شي بعيد

بـ 32 و 42 ريال




ساعة قزاز بـ 9 ريال xD
برضوا بن داوود

داك اليوم أكتشفنا أو ووفاء محل في ستارز آفينو
اسمه آتيرانس ، عنده منتجات عناية عضوية و طبيعية 

فأخدت *لبن* الجسم كتجربة
هي فكرته نفس فكرة زبدة الجسم 

بس انه دي مصنوعة من مواد غير ضارة وكدا

بـ 54 الصغيرة دي 


و بس هو دا بوست اليوم 

أنا من النوع الي ينبسط لمن يتفرج على تدوينات المشتروات
ماعرف انتوا زيي و لا لاء؟ xD

وسائل التواصل معايا في يمين الصفحة 

ابقوا سُعداء

- بيانولا ~

2 comments:

  1. آخ اول فستان السكري مرررة يجنننننننن, الي رابطتو هي الاكمام صح؟ ومممكن تحطي رابط الموقع <3
    بالعافية عليكي مشترياتك الجميلة :* حمستيني للهول القادم حقييي

    ReplyDelete
  2. جميلة مشترياتك! تتهني فيها ♡♡

    ReplyDelete