Thursday, October 16, 2014

تجربتي مع منتجات Lush

 
السلام عليكم

سوو من فترة نزلتلكم في الانستا مشترواتي من لَش بمناسبة 
اني حققت واحد من أهداف 2014 حمدلله

فـ يلا نبدأ بسم الله

شامبو Soak 'n' Float الصلب


مخصص لتهدئة القشرة و الفروة المتحسسة ، 
و من مكوناته : زيت اللافندر ، بتلات الزهر

ما حبيت فكرة اني آخد القالب كله و أفركه على شعري 
فقررت أكسره لأجزاء صغيرة 

و على قد ما أكسر صغير إلا انه لازم يفضل معايا زايد 
في كل استعمال ، شي ينرفز ههههههه

المهم هو نشف لي شعري بس خفف لي الحكة 
و ريحته زي ريحة شامبو آيونيل تي *الي فيله قطران*

فيعني أعطيه 2/5 وماحشتريه تاني ، 
خلي الي عندي يخلص أول xD

بس حبيت نقطة انه اقتصادي يعني كمية بسيطة تكفيكِ

سعره 60 ريال

أقراص Chou Chou لتنظيف الأسنان


فكرتها انكم تقرمطوا الأقراص دي * بمعنى تكسروها :p * 
و تفرشوا أسنانكم بيها 

من أهم عناصرها : بيكربونات الصودا - زيت الزهر - زيت الليمون

تعطي ريحة زي الحلقوم أو شي حالي ، 
بس ماحسيت بفكرة الانتعاش بالرغم من ان فيها ليمون

3/5 ، تنفع للسفر و الخرجات المهمة 

سعرها 40 ريال

بلسم Ro's Argan للجسم


هادا ينفع كتير للناس الي تكسل تحط كريمات و تتعب نفسها 

فكرته انه قبل ماتخرجي من البانيو تحطيه على جسمك
 وتقدري تستني دقيقتين أو تغسليه على طول

وحتحسي جسمك مترطب وناعم 

من أهم مكوناته: زيت الآرغان - زيت اللوز - زبدة الشيا 

في البداية يعطي احساس شبيه باحساس زيت جونسون 

بس يختفي بعد فترة و تحسوا جسمكم ناعم ، 
ويستمر الترطيب حق 8 ساعات كدا أو 6 وبعدها يقل

عجبني مرة خصوصاً ان ريحته مرة زي الحلاوة 
وتخليكي تروقي مزبوط

4/5 

سعره: 189 ريال


كريم Dream المرطب


من المنتجات اللطيفة على الجلد الحساس و يقال انه مفيد جداً لمرضى الاكزيما 

من أهم مكوناته: زيت البابونج - حليب الشوفان - زيت الزيتون

ريحته ماهي عطرية ، أشبه بكونها دوائية 

بس مرة أحب ترطيبه ، 
لو حطيت كتير يقوم ياخد فترة أطول الين تمتصه البشرة 

لاحظت انه يخفف الحكة و الاحمرار حق الصدفية 
و دا شي كويس بالنسبالي 

بس يسيب احساس مزعج شوية ، زي احساس الزفلطة ، 
تعرفوا معنى الكلمة دي ؟ انه يعني كانه شي يزحلق

xD اسألوا أحد مكاوي و حيشرحها لكم

مايضايقني كتير خصوصاً اني مرتاحة لمفعوله 4/5

سعره: أظن 169 ريال 


و في حاجتين صاحبتي أدتني جزء منها على أساس أجربها 
و هي كانت أول تجارب لَش ليا:

زبدة You Snap The Whip للترطيب


من أهم مكوناتها: زيت المكاديميا - زبدة الشيا - بودرة الفحم 

تستعمليها وانتِ في البانيو ، 
تاخدي مربع صغير جداً و تفركيه على جسمك المبلل 

لاتنفجعي من السواد الي حيطلع ، دا حق الفحم 

بعد ماتغسلي رح تلاحظي جسمك صار ناعم و ريحته حلاوة و نظافة

و أحس فيها حبيبات تعطي تقشير بسيط حبيته 

5/5

صابونة Honey, I Washed The Kids



من أهم مكوناتها: زيت البراغموت - زيت البرتقال - العسل

ريحتها حمضية و حالية * كل منتجاتهم حالية لخشمي لوول *

ماعجبتني كتير يمكن عشان ماحب قوالب الصابون 

بس مانشفت جسمي و دي نقطة حلوة مرة

5/5 ماعندي عيب لها بس برضوا ماحشتريها xD

و آخر شي هو رغوة الحمام بس مع الأسف ما أستعملتها لسى

حقولكم انطباعي عنها في الانستقرام ان شا الله D:


بالنسبة لفروع Lush في جدة :

مجمع العرب - ستارز آفينو 

و شفت انه قريباً حيفتح في مكة مول <3

وسائل التواصل معايا في أعلى الصفحة عاليمين

ابقوا سُعداء

- بيانولا ~

0 comments:

Post a Comment