Thursday, January 8, 2015

تجربتي في الشراء من موقع Choies

 
السلام عليكم

من فترة طلبت من موقع أمريكي اسمه choies

عنده بضاعة مرة حلوة و بأسعار رخيصة ، 
و في كتير قطع تكون شبه ماركات عالمية 

شفت حاجات كتير عجبتني بس 
لأنه كانت أول مرة أطلب من عندهم فماحبيت أتهور 

هم يوصلوا الين السعودية دايركت لكن يستعملوا البريد السعودي 

و أنا عندي تجارب سيئة معاهم فقررت أشحن على بريدي الأمريكي 

الشحنة أخدت حوالي 20 يوم الين وصلتني على هناك

و الشحن كان مجاني 

و في نقطة حلوة عندهم ، انه لمن تفتحوا الصفحة على وحدة من القطع

أسفل يحطوا لكم أحياناً صور لعارضات أو زبائن لابسين القطعة 

و هادي القطع الي أشتريتها

طبعاً كل قطعة تجي في كيس نايلون جميل زي دا



تنورة قصيرة بكسرات واسعة بـ 10 دولار

و تقدروا إما تخلوا الكسرات واضحة كدا 
أو تكووها وتصير صغيرة ، زي الصور هنا


 بلوزة كروشيه و دانتيل بـ 14 دولار

و لأنها فري سايز فطلعت مرة كبيرة ، 
ففكرت أحط لها حزام عريض في النص 

و لا عاد أوديها الخياط ، اش رايكم ؟



 بلوزة دانتيل بدون كتف بـ 10 دولار

هادي طلبتها سمول على مقاسي و طلعت ماسكة ، 
تضايق شوية عند المطاط من فوق




و أشتريت تنورة ريش بس ماهي راضية تزبط في التصوير xD

هادي صورتها من الموقع

بـ 20 دولار

هي حلوة و فنكي بس تحسوا فيها عيوب شوية في الخياطة 
+ انه الريش بيطيح كتير مرة 


و بس هي دي كانت مشترواتي 

لو قد جربتوا تطلبوا منهم شاركوني تجاربكم 

برأيي التسوق أونلاين صار شيء جميل و ممتع أكتر من الأسواق 
و الزحمة و انعدام المقاسات :p

وسائل التواصل معايا أعلى الصفحة عاليمين 

ابقوا سُعداء

- بيانولا ~

6 comments:

  1. حلوين ما شاء الله
    تتهني فيها ❤️

    ReplyDelete
  2. This comment has been removed by the author.

    ReplyDelete
  3. ❤❤❤❤ يجننووو مرة جميلين لبس العافية يا قلبي
    ❤ حبيت التنورة الحمراء مرة
    تتهني بيهم

    ReplyDelete
  4. جميييلة القطع تتهني :*<3

    ReplyDelete
  5. تتهني فيهم ان شاء الله ياريت لو تعلمينا شلون نطلب عن طريق النت حابه اخوض هالتجربه لان انا من النوع البيتوتي مره وما احب الطلعات والاسواق واشياء كثير تعجبني عن طريق النت بس ما اعرف شلون اطلب ..

    ReplyDelete