Monday, March 23, 2015

مجموعة بودي شوب الجديدة بمناسبة الربيع


السلام عليكم

من فترة بسيطة ، ذا بودي شوب أجتمعوا معانا 
و عرفونا بالمنتجات الجديدة الي نزلت 

هي أساساً نازلة عشان الربيع 

نبدأ بالمكياج 






- نازلة علبتين جديدة من الـ Shimmery Cubes

ألوانها قوية ومرة شيمري .. 
عجبتني الي وردتها صفرا .. 
حسيت ممكن ألعب فيها أكتر من التانية

- 5 أرواج على شكل أقلام 


هي تعطي ترطيب بسبب الشيا و المانوكا الي فيها ، 
اللون يكون أساساً خفيف 

و القلم الأسود هو أكتر شي عجبني لأنه 
اللون يطلع مختلف حسب حرارة الجسم 

في ناس يطلع لهم وردي و ناس يطلعلهم موف بمختلف الدرجات

- 4 ألوان مناكير جديدة



و كمان لون وردي

- أداة تنقيط

عشان الي يحبوا يعمل فنون بالمناكير ،
طبعاً أنا مرة سيئة في الموضوع دا لأنه أظافري صغيرة 

- فرشاة كابوكي 



الحلو فيها هو شكلها اللطيف الي عامل وردة 

حلوة للبلاشر أو البرونزر

بس شخصياً حخليها تحفة عالتسريحة :$ 

- - -

بالنسبة لمنتجات العناية بالبشرة

- أول شي المنتج البطل ..
قالوا لنا انه ينباع منه 28 حبة في الثانية




هو قناع تنامي بيه ملمسه زي الجيلي و تستعمليه يومياً 
والمفروض انه يحفز لك 
افراز الكولاجين و يجدد خلايا البشرة

- مجموعة زهرة السعادة أو Forbidden Flower
أو Smoky Poppy 


هي مصنعة خصيصاً عشان تعطي احساس بالرومانسية و النظافة
 و الروقان والحاجات اللطيفة دي xD

- العطر يحتوي على المسك ، الياسمين ، زهرة السعادة ، 
القرنفل و حاجات تانية كمان بس هادي الي روايحها تطغى



أول مابخيته جا في بالي عطر جادور أو كوكو شانيل .. 
انه ريحة ستات كبار عارفين ؟ :p

بعدين بدأ يبرد و يصير أروق و أحلى بكتير 

المجموعة فيها زبدة جسم ، لوشن ، و غسول للجسم 
و منتجات تانية زي فقاعات البانيو وزيت للجسم 
بس ماعرف لو نزلت عندنا أو لاء

بس لو لقيت زيت الجسم راح أشتريه باذن الله لازم

بشكل عام أنا مرة عاجبتني الريحة 
و حجرب باقي المنتجات ان شاء الله و أقييمها 

وسائل التواصل معايا في أعلى الصفحة عاليمين 

ابقوا سُعداء

- بيانولا ~

0 comments:

Post a Comment