Tuesday, April 28, 2015

تقييم أساس و كونسيلر أوربان ديكاي الجديد

السلام عليكم

من فترة نزلتلكم في الانستقرام الكولكشن الجديد 
الي نزل من أوربان ديكاي 

وأخدت منه الكونسيلر والأساس المضغوط 





باين اني كرفت الاسفنجة ولا لسى ؟ هههههه

البودرة تجي في حافظة بنفسجية زي الي أسفلها عشان ماتنعدم 

و تجي معاه اسفنجة بوجهين ، 
الي عليها اللوقو تستعمليها مبلولة والجهة التانية ناشفة 

البودرة مرة حبيتها و أبداً ما أبرزت البقع الجافة عندي 
خصوصاً لمن بخيت على الاسفنجة 

* تقدروا تستعملوا فكس بلس ، موية ورد ، مثبت مكياج .. إلخ *

بس طبعاً لاتنسوا التقشير و الترطيب

تعطي تغطية متوسطة لعالية ومارح تحتاجي كونسيلر أبداً

تقدري تستعملي فرشاة أو اسفنجة من عندك بس بالنسبالي هادي أريح 

لانه لمن جربت بالفرشاة حقتي ، أتفتت عليا و عدمت الطاولة لوول

ثباتها حق 7-8 ساعات وبعد كدا تبدأ تخف بالتدريج 

* سواء ببرايمر أو بدون بالنسبالي *

الدرجة الي عندي لايت وورم 
Light-Warm

و دا سواتش لها



بالنسبة للكونسيلر

فهو برضوا تغطيته عالية و تقدري تاخدي درجة غامقة للآثار
و درجة فاتحة للإضاءة تحت العين

أنا بستعمله لتحت العين و مابحط فوقه بودرة أبداً وماشاء الله 
قعد ثابت وماخطط أو أتكتل معايا بأي شكل 

كتيرين بيقارنوه بكونسيلر نارز 

أنا أشوف هادا يندمج بشكل أسرع و درجته ناسبتني أكتر

درجتي لايت نوتشورال
Light - Neutral

و دا سواتش لها 


في الأخير ، أنصح بيها جداً للبنات الي بشراتهم جافة 
ويدوروا على تغطية عالية زيي 

أضمن لك انه وجهك ماراح ينشف أو يتقشر باذن الله

و هي بودرة فأكيد رح تناسب البشرات الدهنية 

و برضوا دايماً جربوا المنتجات قبل ماتشتروها

سعر البودرة 160 ريال تقريباً 

و الكونسيلر 130 ريال

و الماركة موجودة في سيفورا الردسي - التحلية - العرب 

وسائل التواصل معايا في أعلى الصفحة عاليمين

ابقوا سُعداء

- بيانولا ~



3 comments:

  1. يعطيك العافية بيانو
    سبحان الله ماني عارفة ليه بس ما اميل للبودرات و لا لاستخدامها ، بالرغم ان عندي منهم ... ولو ان فكرة هذا غريبة شوي مع الاسفنجة حقتها
    حطيت عيني على الكونسيلر ... هو اهم شي تغطية الهلات الحلوة :))

    ReplyDelete
  2. الكونسيلر مره جميل
    وحبيت تغطيته وريحته مو مزعجة
    يعطيك العافيه

    ReplyDelete
  3. ما شاء الله شكله حلو ، يعطيك العافية
    3beautymarks.blogspot.com

    ReplyDelete