Tuesday, April 21, 2015

مشترواتي الأخيرة من موقع iHerb


السلام عليكم


ماحسوي مقدمات وفيلم هندي فتعالوا نتفرج في المشتروات 
و آخر التدوينة في تفاصيل كتير تهمكم














ألواح زبدة الفول السوداني والقرانولا بـ 5 دولار

زمان كانت في شركة عندنا تجيب زيها بس بعدين بطلوها
وصاروا يجيبوا الكرنشي القاسية /:

هادي عليها تقييم عالي فقلت أجربها


بذور الشيا السوداء بـ 12 دولار

كنت أحسب هناك أرخص من هنا 
بس طلع انه مو داك الفارق أبداً لوول

بس عموماً كتيرين يمدحوا البذور وانها بفايدة كبيرة


أناناس مجفف طبيعي بـ 5 دولار

ماقد شفته ينباع إلا في المحلات 
إلي بالكيلو و حقون المناسبات بس

جربته اليوم ، أتوقع بسبب الحرارة والشحن
لصق في بعضه وصار كتلة كبيرة xD 

بس لزيز عموماً و حلو كسناك أو وقت ماتشتهوا سكر مرة قاتل


بذور دوار الشمس نية و غير مملحة بـ 4 دولار 

كانها فصفص مقشر ، دايماً دا تخيلي xD



بذور اليقطين بـ 6 دولار


من الحاجات الي برضوا كان عليها تقييم عالي و شهرة كبيرة
هو الستيك الأصفر بـ 2 دولار
زي ماهو مكتوب عالعلبة ، زبدة كاكاو خام 
جاتني سايحة بس حسيبها في البرد شوية و أشوف لو حتجمد تاني أو لاء
بس ريحتها مررررة كانها هيرشي  


زبدة الشيا الخام بـ 8 دولار

حخلص الكريمات الي عندي و بعدين أفكها و أخلطها ان شاء الله


شامبو للكثافة بـ 6 دولار

الشامبو مكون من مواد طبيعية خالصة 
و بدون مكونات ضارة تجارية


حبوب زيت جوز الهند البكر بـ 10 دولار

أخدته على نصيحة مودة 

تدوينتها ( هنا )


تونر خالي من الكحول بالورد و الصبار بـ 9 دولار
برضوا على مدح مودة


بودرة للجسم والرجل بـ 5 دولار
انه تمتص العرق و الرطوبة وماتسيب ريحة

و بس هي دي كانت مشترواتي 

ان شاء الله رح أقييم كل منتج اما هنا أو عالانستقرام

بالنسبة للطلب 

هم يوصلوا مباشرة على السعودية عن طريق الـ DHL
ورسوم الشحن حسب الوزن 
و ياخدوا بالكتير أسبوع
و تحتاجوا فيزا للشراء

و تقدروا تستعملوا الكود داGQW202  )

و راح يسوي لكم تخفيض 

فاستغلوا الفرصة لو حابين 

و عندهم ميك آب كمان و حاجات كتير 

وسائل التواصل معايا في أعلى الصفحة عاليمين

ابقوا سُعداء

- بيانولا ~


2 comments:

  1. يا عسل حبيت انبهك حبوب زيت جوز الهند فيها جيلاتين حرام
    ويعطيك العافية على البوست

    ReplyDelete
  2. تتهني فيهم
    اعترف حتى انا نطيت و رحت شريت حبوب زيت جوز الهند ... كمية مدح مودة تهبل

    عسى ان تكون كل الاحتمالات في صالحكك
    حنين

    ReplyDelete