Monday, April 6, 2015

تقييمي لماسكارا بينيفت الجديدة Roller Lash


السلام عليكم

من فترة بينيفت سوت ايفينت مغلق 
بمناسبة اطلاق الماسكارا الجديدة



* العارضة *

ميزة الماسكارا انها مقوسة ورفيعة و فيها خطافات 
صغيرة جداً تمسك في الشعرات


و أستمدوا فكرتها من المَكَر * اللفافات * حقت الشعر
الي كانت تستعمل بكثرة زمان

و قالوا كمان انه ماعاد رح نحتاج عاكفة رموش 


بالنسبة لتجربتي 

في البداية لاحظتها مرة سائلة وتاخد وقت الين تنشف 

بس بعد استعمالين أو 4 مع فتح و قفل العلبة، 
بدأت تتماسك أكتر و ماتسوي لغوصة

أعطت رموشي سواد تام و طول مرة حلو

بس مالاحظت انها عززت تقويسة رموشي أو حتى زودتها

وعالرموش الي أسفل تعطي سواد خفيف وطول 

بس ماعجبتني لانه تعطي منظر وحش للعين 

و لمن أزود الطبقات تبدأ الرموش تلصق في بعض 
و تصير زي رجل العنكبوت


بنان جربتها كمان و هي رموشها مستقيمة مرة 

لاحظت انها أتكتلت على رموشها و مازالت مستقيمة بدون أي تغيير 

و لمن أستعملت معاها They're Real ، 
خف التكتل لكن الاستقامة زي ماهي

خلاصة التقييم انها ماسكارا حلوة لكن ماتعطي النتائج الموعودة 

سعرها حوالي 170 ريال 
موجودة في كل محلات التجميل الكبيرة

وسائل التواصل معايا في أعلى الصفحة عاليمين

ابقوا سُعداء

- بيانولا ~






1 comment:

  1. جييد, حبيت تقييمك العادل لها <3

    ReplyDelete