Sunday, May 24, 2015

مشترواتي من نوردستروم ، درق ستور ، و موقع سيفورا الأمريكي

السلام عليكم

أول شي أعتذر على الصور المستعجلة
بس مرة متحمسة أنزل التدوينة لأنه حبدأ ألعب في الحاجات xD

نبدأ بموقع درق ستور
أتكلمت عنه في تدوينات الشراء عن طريق الانترنت 
يجمع منتجات الدرق ستور و مربوط بموقع تاني اسمه بيوتي 
و فيله ماركات هاي اند 
بس حصلت معايا مشكلة لمن طلبت من بيوتي دوت كوم
رفض طلبي و لمن لغيت المنتج وصار كله درق ستور قاموا قبلوا البطاقة 
مدري اش دخل بصراحة xD


باليت ظلال من لوريال اسمها نود 2 
جربت كم ظل و ألوانها واضحة تعتبر

سعرها 20 دولار



بي بي كريم من إل آيه قيرل 
نفس الماركة حق الكونسيلر الي عليه مدح جبار

الدرجة دي فير ، أفتح درجة على حد علمي

و زي مانتوا شايفين لونها أبداً مايدل على اسمها ، الله يستر xD

سعره 4-5 دولار


فرش للعين من إيكو تولز بـ 4-5 دولار

أحب الفرش المزدوجة مرة تفك أزمة و توفيرية

دحين مشتروات نوردستروم
الموقع دا فنان 
كأنك داخلة مول :p

فيله ملابس ، اكسسوارات بيت ، مكياج ، هدايا .. إلخ

و بعض المنتجات توصل مباشرة عالسعودية


ماسكارا كلينيك للرموش السفلية
سعرها في الموقع 10 دولار 
أسترخصتها و قلت أجربها 
ماعرف هنا بكم تنباع  












بلاشرات أوربان ديكاي الجديدة

من أول متحمسة عليها وماصدقت تنزل 


شوفوا كيف عاملين اللوقو ، مرة جميل





أخدت درجة Rapture عاليمين
و Fetish

كل واحد بـ 26 دولار 


فرشاة الوجه من كلينيك 
كان عندهم أشكال مزخرفة ، اصدار محدود
و معاها أحجام صغيرة من مجموعة تنظيف الوجه حقتهم
أخدت تبع البشرة الدهنية/المختلطة

شحنتها قبل ماصورها فقلت خلاص أوريكم هي كدا xD 











وهادي المجموعة الي جات معاها 

سعرها 89 دولار  


و لأني طلبت من كلينيك بأكتر من 35 دولار
رسلوا مزيل مكياج و شنطة عينات هدية


آخر شي ، موقع سيفورا 

حوريكم الي أخدته بعدين أقولكم الطريقة 
أنشف ريقكم شوية :p

 

كانوا مسويين عرض على ماسكارا تووفيسد
انه معاها كحل بنفس سعر الماسكارا الي هو 23 دولار


محدد شفايف من سيفورا الخط الجديد
درجة بينك بيج بـ 14 دولار تقريباً




روج من كات فون دي
درجة Wolvesmouth 
بـ 21 دولار 

 نوردستروم و سيفورا
يوفروا 3 عينات مجانية من اختيارك 
فهادي الي جاتني
و في حاجات غير فشكله الي أخترته كان مخلص





هادا أخدته عن طريق البرومو كود من سيفورا
في سيفورا تقدري تختاري 3 عينات مجانية
و تدخلي كود عندهم لبعض المنتجات و تجيكي مع العينات 

صفحة البرومو كودتطلع لك في الابليكيشن في الصفحة الرئيسية 
 تشوفي العروض وتسجلي الي يعجبك

بالنسبة لطريقة الشراء من موقع سيفورا

شفت الطريقة عند كزا بلوقر 
منهم غادة و سارة

عشان ينقبل طلبك انه يوصل على بريد أمريكي مشترك
* زي ورد شيب *
لازم الطلبية ماتزيد عن 100 دولار 
و لو قربتي من الـ 100 لاتنسي انه في رسوم ضريبية
و حطي عنوان الشحن هو نفسه عنوان الدفع
الي هو حق أمريكا طبعاً 

و بس هو دا

ان شاء الله تكونوا أستفدتوا و أنبسطتوا

و حقييم كل المنتجات ان شاء الله

ابقوا سُعداء

- بيانولا ~ 


1 comment:

  1. مثلك من ناحية الفراشي ، لكن على كثر ما استنانس كثر ما اشيل همهم لما انظفهم و اخاف الماء ما ينشف زين
    يهمني اعرف رايك بفرشاة كلينك الكهربائية

    تتهني فيهم بيانو

    عسى ان تكون كل الاحتمالات في صالحكك
    حنين

    ReplyDelete