Saturday, June 20, 2015

تجاربي مع كريمات الأساس من بداية المشوار إلى اليوم


السلام عليكم

رمضان مبارك جميعاً

قلتلكم في السناب شات انه حسوي تدوينة أكلمكم فيها 
عن كريمات الأساس
الي بستعملها حالياً و آرائي فيها

و حنزلكم كمان الكريمات الي كنت أستعملها زمان
بس ماهي عندي خلاص xD

و بس للعلم ، بشرتي جافة عادة لكن في السنة الأخيرة تقريباً 
صارت مختلطة (جافة+دهنية)

يلا بسم الله

أول بداياتي في المكياج كانت مع بودي شوب و مكياجي طبعاً

فكنت أستعمل أساس بودي شوب الاكسترا فيرجين و الي لسى عندهم 

كنت ماحط مكياج الا في المناسبات و ديك الأيام 
كان يعطيني فل كفرج ويثبت معايا طول الليل

و كنت أحط فوقه بودرة أساس مضغوطة من مكياجي خط صبايا
والحمدلله انه ماعندي صور ووجهي متحول فيها كيكي هههههه

البودرة أفتكر كانت تعطي تغطية ممتازة و ثباتها مقبول 

و بعدين لمن دخلت عالم البي بي كريمز 
بدأت بحق استي لودر 
و كتبت عنه تقييم ( هنا )

بعدين أستعملت ميبلين فت مي

و حبيته جداً للخرجات الخفيفة أو الجمعات البسيطة 
وناسب بشرتي الجافة و مابين القشور

و بعدها هادا الوسيم


برضوا ناسب بشرتي الجافة للمناسبات
بس ثباته ماكان يستمر أكتر من 6 ساعات

بعده بي بي كريم سماش بوكس
درجة لايت


مرة حبيته للجامعة و خفيف ويعطي تغطية متوسطة

الماركة موجودة في سيفورا التحلية الجديد و السلام مول

بعدين ميك اب فورايفر اتش دي
درجة N117


مرة ممتاز للمناسبات الي تبي فيها تغطية كاملة 
بس مشكلته يدخل وسط القشور ويبينها 

بعده سي سي كريم بورجوا
كتبت عنه تقييم ( هنا )

بعدين بي بي كريم مكياجي 
كتبت عنه تقييم ( هنا )

بعدين نارز شير قلو
درجة بُنجاب


ماهو موجود غير في دبي و أونلاين
مرة حبيت تغطيته و الفينيش حقه
ومايبين القشور
بس ثباته مايزيد عن 5 ساعات

*مجهزة تدوينة ليا شهرين و نسيت أنزلها عنه لوول*

بعدها لورا ميرسييه سيلك كريم 
درجة بامبوو بيج


نفس الكلام عن نارز
بس ثباته أعلى بساعة  

بعد كدا أوربان ديكاي باودر فاونديشين


نزلت عنه تقييم ( هنا )

و أجدد شي عندي هو
إل آيه قيرل بي بي كريم
درجة فير



على انه بي بي كريم بس لكن تغطيته تعتبر كاملة بالنسبالي
وجداً رائع و يندمج مع البشرة ويثبت وقت طويل 
و أحسه يعطي Dewy Finish 
أخدته من موقع درق ستور 

و دي سواتشات للي كتبت عنهم هنا 


من اليمين

سماش بوكس
إل آيه قيرل
لورا ميرسييه
ميك آب فورايفر اتش دي
ريفلون كولور ستي

و هادي بس الي فاكرتها والله xD
ان شاء الله تكونوا أستفدتوا من التدوينة
وسائل التواصل معايا في أعلى الصفحة عاليمين
و حسابي في السناب شات هو Bayanola92

ابقوا سُعداء

- بيانولا ~

1 comment:

  1. ، يعطيكي العافيه يا قلبي، جد جد مشكوره عالتدوينه ، انا برضو بشرتي جافه و اعاني منها جربي فانديشن هيلثي مكس من بورجوا جدا جميل و خفبف و سعره ممتاز
    http://3beautymarks.blogspot.com/

    ReplyDelete