Friday, June 26, 2015

عرض و تقييم منتجات ذا بودي شوب الجديدة



السلام عليكم

ذا بودي شوب دايماً ينزلوا منتجات خاصة برمضان و العيد 

و السنة دي منزلين حاجات حلوة كتير

فـ يلا نبدأ بسم الله


طبعاً كل سنة ذا بودي شوب يغيروا تعليب الهدايا حقتهم
عشان تناسب الثيم الرمضاني

هادا اللون تبع السموكي روز 
وفيله حوالي 4 منتجات 

مافكيتهم عشان وديتهم هدية xD



نزلوا عطر جديد اسمه لايف إز قولد 

و هو نسخة محدثة من عطر لايف از المعروف

والجديد فيله ياسمين وفانيليا 

و منه كمان زيت عطري 

شخصياً ماعجبتني الريحة 

أحسها ريحة نظافة على ضيوف xD

الأسعار تتراوح مابين 60 إلى 120 ريال


زمان ذا بودي شوب نزلوا عطر اسمه رد مسك و كان فيله توباكو و مرة ماعجبني 

بس هادا الـ رد مسك عود ، رائع جداً و سميته في السناب عطري الرمضاني xD

ريحة العود ماهي ديك الريحة القوية الرجالية

بالعكس ريحة حلوة فواحة مع خليط مسك رايقة 

فتحسي نفسك وحدة مرة فخمة والله ههههه

و برضوا منها زيت عطري

الأسعار مابين 60 إلى 200 ريال


كريم مرطب من خط الفيتامين سي للوجه 

يعالج البشرة المجهدة و الشاحبة و يعطيها توهج حيوي 

سعره 100 ريال


معزز لحظي لتوهج الوجه 

فكرته انه تحطيه بعد الكريم المرطب حقك 
و حيعطيكي منظر صحي مشرق

و تقدري تحطيه قبل المكياج 

سعره 90 ريال



بخاخ برونزي للرجل 

تقدري تستعمليه لليد كمان عادي 

لونه خفيف و رايق ويندمج بسرعة 

و مايطبع و لا يطفش

أنا شخصياً ماعندي خبرات سابقة في البرونزينق 
بس دا عجبني لأنه مو مرة قوي أو غامق

سعره 110 ريال


قبب المكياج العسلية 

قبب جمع قُبة على فكرة لول 

المهم هي عبارة عن بلاشر ، برونزر ، و هايلايتر كريمية 

أكتر واحد عجبني هو البلاشر ، لونه مرة حلو و تقدري تتحكمي
في حدته و قوته و يثبت حق 6 ساعات أو 8

البرونزر لونه حلو عالبشرة بس مايثبت معايا أبداً ، 
حده ساعتين يمكن و يروح 

و الهايلايتر قد ما أحط فيه مايبان على وجهي ، 
غالباً الدرجة ماتناسبني عشان كدا

سعر الواحد 65 ريال

و دي السواتشات ، باين فيهم لمعة بس لمن ينحطوا عالوجه ماتبان


 

و آخر شي هي الأكحال دي 

الأبيض عجزت أعمل فيه شي غير انه أحط كطبقة أساسية للآيشادو
 عشان يوضح اللون

لو انتي فنانة بالمكياج و ماشاء الله يدك خفيفة فمرة حيعجبك 

سعر الواحد 60 ريال

ودي السواتشات


و بس خلصنا الحمدلله

ان شاء الله عجبتكم التدوينة

وسائل التواصل معايا أعلى الصفحة عاليمين

و حسابي في السناب شات هو Bayanola92

ابقوا سُعداء

- بيانولا ~

0 comments:

Post a Comment