Friday, July 3, 2015

تقييم و عرض منتجات بينفت الجديدة


السلام عليكم 

من فترة نزلتلكم في السناب شات انه بينفت نزلت حصرياً في سيفورا 
منتجات جديدة فخلينا نبدأ بسم الله


نزلوا ألوان جديدة من ماسكارا و آيلاينر They're Real 

أنا كتبت تدوينة زمان عن المنتجات الأصلية ( هــنــا )


الماسكارا نازل منها لونين 
البني و الأزرق


مرة كنت متخوفة من تجربة الماسكارا الزرقا
خصوصاً اني ماقد جربت دا اللون
بس لمن حطيت منها ، لونها كانه كحلي و هادي
ماهو غريب مرة أو صارخ 

حسيت أعطتني طول و لون بس 

لكن برضوا ماتخيلني أستعملها في مناسبات مهمة
ممكن في جمعة بنات و لا حفلات توديع عزوبية وكدا


الماسكارا البنية مرة لطيفة وحبيتها

برضوا لونها غامق وتعطي كثافة وطول بالنسبالي

مع انهم كلهم نفس الفرشاة ترى ونفس التركيبة اللهم اللون غير

بس رموشي على كيفها :p

و هو برضوا حسب عدد الطبقات الي تحطيها و كيف بتحطيها

عادي أستعملها بدل السودا أحياناً ماعندي مشاكل 


الآيلاينرز نازل منها 4 ألوان جديدة

موف ، أزرق ، أخضر ، بني 

Credits to makeupandbeautyblog.com


الي عندي الأخضر و البني 

التركيبة مرة مختلفة عن الأسود الي طلعوه زمان

هادي التركيبة الجديدة كريمية أكتر و تساعدك كتير في الرسم
و مايتكتل معاكي و انتي تخرجيه 

الي ماعجبهم الاصدار الأول 
رح يحبوا دا كتير 

حبيت انه الألوان ماهي صارخة أو حادة 

بالنسبالي أحسها رايقة و ماتبان Over the edge انه يعني شي مرة جريء

ثباتها ممتاز لانه أصلاً مايتحرك إلا لو مسحتيه بمزيل مكياج زيتي 

الأسعار هي نفسها 
تقريباً مابين 150 إلى 170 ريال 

حالياً موجودة بس في فروع سيفورا 

و في شهر أغسطس ان شاء الله رح تنزل في باقي المحلات 

وسائل التواصل معايا في أعلى الصفحة عاليمين

ابقوا سُعداء

- بيانولا ~

1 comment:

  1. assalamualaikum, incredible, I really love it. I hope you can continue to update on this blog, because I would often visit

    ReplyDelete