Saturday, January 9, 2016

كتبي المقروئة في 2015

السلام عليكم

بصراحة قرائتي في 2015 جداً مخزية مقارنة بـ 2014
لكن السبب هو تغييرات حصلت كتير في حياتي فكنت بتأقلم معاها :p

المهم يلا بسم الله

Orange is The New Black 


السيرة الذاتية لبايبر كيرمان الي دخلت السجن بسبب تهريب فلوس
مخدرات من قبل 5 سنين 
الكتاب مضحك ومسلي خصوصاً لو تحبوا المسلسل

Attachments - Rainbow Rowell


الرواية تتكلم عن واحد يشتغل في الآي تي ومطلوب منه انه يراقب ايميلات الموظفين
عشان لو أشياء محظورة بيتكلموا فيها يصير ينبه المدير 
فيبدأ يقرأ ايميلات بنتين يتراسلوا سوا ويحكوا حياتهم لبعض 
و تبدأ المواقف المضحكة الهبلة xD

أول كتاب أقرؤه للكاتبة ومرة حمسني أقرالها كمان زيادة 

Sharp Objects - Gillian Flynn



كاتبة صحافية ترجع لمدينتها القديمة عشان تحقق في اختفاء بنتين 
و لمن ترجع .. كل الماضي الأسود يرجع لها 

بصراحة نسيت اش رأيي فيها LOL
بس طالما معطيتها 4 في قودريدز معناها عجبتني 

والكاتبة هي نفسها حقت Gone Girl على فكرة

الكمكم - مهنا طيب


الرواية تتكلم عن يحيى و عيلته في جدة القديمة 
جميلة جداً الرواية وتحسوا انكم فعلاً عايشين في ديك الفترة

و كتابات مهنا غنية عن التعريف أصلا ! (:

Maybe Someday - Colleen Hover


وحدة عايشة حياتها الكاملة الممتعة الين ماتكتشف انه حبيبها بيخونها 

الأحداث مرة مرة بطيئة وماهي منطقية و تصرفات البنت كانه وحدة عمرها 7 سنين 

Big Little Lies -  



Saint-Exupéry, Antoine de


من الروايات الكلاسيكية الي كل الناس تقريباً حبتها 

تتكلم عن أمير صغير يتجول لعدة كواكب ويقابل فيها أشخاص 

الرواية فلسفية ، وبتحاكي أشخاص بنعاشرهم أو فعلاً موجودين

شخصياً أحس لازملها مخ صافي و رايق وقراءة أكتر من مرة 

بالبلدي الفصيح - عبدالعزيز حمزة


مجموعة قصصية تحصل في الحجاز
خفيفة وممتعة

When I Was Me - Hilary Freeman


بنت تصحى من نومها وتلاقي هيئتها و بيتها متغيرين 
والي حوالينها يتصرفوا انه مافي شي غريب حصل 

الرواية تتكلم عن الاختيارات الي نسويها في حياتنا
وكيف انه كل قرار بسيط ممكن يؤثر عليها ككل 

حلوة وممتعة وتتكلم عن موضوع يهمني جداً 
لو قلت اش هو رح أحرق الرواية xD

The Farm - Tom Rob Smith 


أم تلجئ لولدها عشان يساعدها تروح الشرطة 
وتبلغ عن جرائم حصلت في مزرعتهم

بس هل هي فعلاً صادقة؟ 

الفكرة حلوة وجيدة بس الاخراج ماكان كويس 
وفي أشياء مالها علاقة بالقصة نفسها 

Marrow - Taryn Fisher


الرواية دي ماني فاكرة ازا قرأتها في آخر 2014 ولا في بداية 2015 

بس عموماُ تتكلم عن بنت عايشة في بيت مهجور مع أمها الي ماتدري عنها 
و تبدأ تتصاحب مع 2 ويتحدوا سوا انهم يمسكوا قتلة القرية الي هم فيها 

الرواية سوداوية كئيبة شوية بس غريبة جداً وحلوة

و بس هي دي حصيلتي في 2015 

حوالي 14 كتاب بس مع الأسف :( 

ان شاء الله 2016 حيكونوا بنفس مستوى 2014 وأحسن يارب 

شاركوني كتبكم الي قرأتوها في التعليقات أسفل 
أو عالسوشيال ميديا @bayanola92

ابقوا سُعداء ~

1 comment:

  1. حبيت الكتب اللي قريتيها و حبيت تقييمك لها مختصر و يعطي الزبدة
    <3

    ReplyDelete