Friday, January 8, 2016

Last Haul of 2015 - آخر المشتروات في 2015

السلام عليكم

شحنتي حقت أيام البلاك فرايدي وصلت الحمدلله بالسلامة 

فحبيت أشارككم المشتروات تبع الفترة الأخيرة ،
خصوصاً اني أحب أشتري في نوفمبر أكتر من أي شهر تاني

يلا بسم الله

طلبية أمازون 


هادي اسمها Packing Cubes ، هي عبارة عن مقسمات ملابس للسفر 
لو مثلاً تبي تشيلي شنطة طيارة ومانتي عارفة كيف توفري مساحة 
هادي الشنط تشيل ملابس و أغراض كتير بدون ماتضيق عليكي أو تجبرك انك تستعملي شنطة كبيرة

هادي الشركة اسمها e-bags في منتجات بنفس الفكرة لكن تابعة لأمازون
وفي منها ألوان واحجام متعددة وشخصياً أشوفها عملية و مفيدة جداً

الأربعة دولا سعرهم 25 دولار 

طلبت الشيخ دا .. Eyeglasses Holder





حامل للنظارة ، مرة كيوت شكله و حلو .. و ينفع هدية برضوا بـ 16 دولار

ربطة يد للجوال ، iPhone Armband


لمن بتسووا رياضة أو مشغولين في حاجة وتبوا تسمعوا شي دا مفيد جداً

جا معاه حامي جوال هدية .. بـ 10 دولار

و آخر شي من أمازون كان روج من نكس درجة BLS17


بالنسبة لطلبية نوردستروم 

طلبت بلاشر من شانيل رقم 280 قولدن سَن





طلبت راسين فرشاة لجهاز كلينيك حق البشرة 



كانوا مسويين عرض عليهم بـ 42 دولار * الوحدة عادة 26 دولار* 
ومعاه كمان هدية من كلينيك ، شنطة وفيها مجموعة أشياء 


غسول للوجه و كريم معالج و مزيل مكياج 
و بلاشر كريمي و روج و علبة شادو وماسكارا

بعد كدا من موقع ذا بام 
يوم السايبر منداي عملوا 50% تخفيض زي كل سنة 

أخدت مزيل المكياج الزيتي 


و البرونزر الجديد اسمه بام ديزيرت


و بلاشر كمان من عندهم ، درجة الهاوندزتوث


و دي سواتشات لهم



آخر طلبية كانت من موقع مورفي

أشتريت لصاحبتي أشواق ( البلوق تبعها هنا ) باليت مورفي رقم 35w

و أخدت لنفسي ظلِّين من مورفي يجننوا 

Radiance - Marbleized 



الحلو في الماركة دي انها رخيصة وجودتها عالية

وكدا خلصنا الأونلاين

بالنسبة للأشياء الي أشتريتها في الفترة الأخيرة 

قبل فترة كنت في دبي وكان لازم وواجب عليا أمر على دايسو طبعاً 

أخدت القطن دا ، البلوقر أمل مدحته كتير 


و أخدت أكياس الشاي دي ، لو عندك شاي تلقيمة تحطيه فيهم 


و غرا رموش جبار ، ينشف بسرعة و يثبت الرمش كويس 


و أخدت ماسكات لليد والرجل قلت أجربها


و من محل هولاند & باريت أخدت مجموعة شاي عشبية

دا بالميرامية و الليمون والزهورات



و دا عشان يعطي استرخاء في الليل
فيله بابونج، نعناع، برتقال 


و آخر واحد الي هو خليط من القرفة والهيل والزنجبيل



و آخر شي الكتب ، سواء من معرض الكتاب أو محل الكتب الكبير في دبي مول





وبس كدا خلصت و فلست الحمدلله xD 

شاركوني مشترواتكم على السوشيال ميديا @Bayanola92

ابقوا سُعداء ~

1 comment:

  1. حبيت اغراضك كثييير بالنسبة لذا بالم في موقع مشهور اسمه https://www.hautelook.com/ توني اشتريت منهم البرونز و البلاشر و الواحد سعره 10 دولار بس و شريت اشياء كثيرة حتى باليت مورفي شريته ب15 دولار بس ف هو يسوي دايم عروض وايفنت قوي كل يوم .. وبالنسبة للقطن بروح اشتري مثلك هههه عجبني مرة وايه حبيت مدونتك كثييير

    ReplyDelete