Saturday, February 6, 2016

كيف تختاري الأرواج اللحمية + مجموعة أرواجي



السلام عليكم

الأرواج اللحمية من الأساسيات الي لازم تكون عند كل بنت 
بحسب الدرجة الي تناسبك

وأنا أرتب أرواجي لاحظت انه عندي هوس باللحميات و أنا مو حاسة!
يعني ماشاء الله الكمية دي تعادل 80% من الأرواج حقتي ككل 

و طبعاً دا مو صحي نفسياً xD  

المهم بسم الله نبدأ 

قلم من بودي شوب للشفايف و الخدود درجة رقم 10
أحب فيه انه خفيف و يرطب ، وتقدري تزودي حدة اللون زي ماتبي



ميبلين نود درجة 920
طلبته عمياني أونلاين و طلع فاتح عليا ومبهتني
فبضطر أخلطه مع ألوان تانية 



لوريال درجة 227 
مرة أحبه وأحسه البيرفيكت نود/موف تون عليا



قلم كلينيك المرطب درجة 01
دا أظن كان أول تشبي ستيك أشتريه وكان عاجبني
بس بعد ماجربت أقلام كتير تانية ، صرت مهملته 


مكياجي خط صبايا درجة 12

نود رايح لبني شوية 

سيفورا درجة 18
نود غامق أقرب مايكون للقرمزي


ريميل درجة 240
فاتحة شوية عليا فأحسن محدد غامق قبلها
في درجة نسيت أصورها اسمها آسيا مرة جيدة لازم تجربوها


ريفلون درجة 003
من الالوان المطفية عندهم الثابتة



ريفلون 460
ماهي موف بس الاضاءة مخليتها كدا xD
هي أصلاً مشمشي/لحمي و كريمية

بودي شوب درجة 110
تعطي ترطيب جميل و لون مقارب للي فوقه


انقلوت درجة 111
لحمي غامق ، أحبه لمن يكون عندي مناسبة ومستعملة مكياج ثقيل للعين

أوربان ديكاي درجة Liar

دا سامبل سايز بس في منه فل سايز
لو أستعملتوه مع المحدد حقه 
مرة حيطلع حلو!


ميلاني درجة 26
برضوا من اللحميات الفاتحة 
و ممكن تطلع حلوة لو دمجتيها مع لون تاني
و أحلى شي في أرواجهم انه ريحتها زي الفاكهة 





ميبلين ماستر دراما درجة 630
من الأرواج الي أشيلها معايا لمن ماليا نفس أحط شي






إيلف درجة Nearly Nude
من الأرواج الي مابستعملها
لأنها مرة ماتناسب لون شفتي أو بشرتي حتى
فاتحة بزيادة /:


نكس درجة أبو ظبي
مرة أحبه و كنت معلقة عليه فترة
مطفي بس ماينشف الشفايف


أرواج من ماركة لوك درجة 335 و 350
من محلات المكياج العادية
مرة لاتستهونوا بالماركة دي
عندهم أشياء كتير حلوة


محدد آرت-ديكو درجة 19
لحمي غامق فتقدري تخلطي معاه الفواتح
من القزاز


محدد ديبرا من سنتربوينت درجة 01
رايح للبني أكتر


ريميل درجة 014
لحمي مورد 
يعجبني لوحده


سيفورا درجة 13
رايح لمشمشي شوية فماحب أستعمله لوحده


و هادي سواتشات لهم من اليسار لليمين بحسب ترتيبهم فوق


آخر شي بالنسبة لـ كيف تختاري الدرجة الي تناسبك

أول شي ، شوفي الدرجة الي تناسب لون شفتك
لأنه كتير مننا بتكون شفايفهم أغمق من بشراتهم أو موردة


تاني حاجة قارني الدرجة الي اخترتيها بلون بشرتك
يعني لو انتِ بشرتك فاتحة لحد البهتان أو التوريد 


خدي لحميات فيها لمحة وردي

لو بشرتك حنطية/زيتونية على قولتهم 
نفس بشرات الهنديات 


حاولي تاخدي بنفس اللون أو أغمق شوية
لكن أفتح منها ماينفع

لو بشرتك داكنة 



فانتِ محظوظة لانه البنيات و العنابيات تطلع عليكِ حلوة
و برضوا درجات معينة من الفواتح تجي عليكي ممتازة 

و دا الي أعرفه (:

شاركوني تعليقاتكم و آرائكم

ابقوا سُعداء

- بيانولا ~


1 comment:

  1. ماركة لوك عليها الكلام الكويس ، جربي درجة 311 وشوفي محدداتهم كمان

    البوست جميل و على المزاج، ماقصرتي حبيبتي

    ReplyDelete