Thursday, February 18, 2016

تقرير لمدينة الملك عبدالله الاقتصادية


السلام عليكم


من فترة طلعت مدينة الملك عبدالله الاقتصادية 
وكتير منكم أتحمس يعرف عنها أكتر 

فـ يلا بسم الله نبدأ

كمعلومات عامة ، المدينة موجودة بعد ثول بشوية ،
تبعد عن جدة ساعة ونص تقريباً بس مع القطار حتكون أقل بكتير

جوا المدينة في 5 مشاريع سكنية
( تالة قاردن ، الشروق ، المروج ، الواحة ، البيلسان ) 
تتنوع بين فلل و شقق. 

كلها تحت سقف إعمار 

المدينة هادية جداً وبسيطة و نظيفة ماشاء الله 

الفندق الي فيها اسمه البيلسان BayLaSun فيله حوالي 7 أدوار 



و يوفر الأشياء الموجودة بالصورة: 



الفندق مرة جميل و مرتب و خدمتهم أتحسنت
عن آخر مرة رحتلهم فيها ( في أوائل 2015 ) 

بس يعتبر غالي على انه موجود في منطقة بعيدة
زمان كان متوسط الأسعار 600 ريال في الليلة
دحين صارت توصل للـ 1000 ريال

عندهم مطعم جنب الاستقبال اسمه مواسم Seasons ،
كل يوم بيقدم أصناف معينة من الأكل 

مطعم ستيك هاوس متصل بالفندق كمان 
وعندهم جلسات مطلة عالخور 

و هادي الغرف حقتهم











قدام الفندق كمان في حلبة سباق ، 
مضمار صغير لسيارات السباق 

و في ملعب تنس و سلة بس لسى ماجهز 
غير انه حيكون في جهة ألعاب مائية ومسبح للأطفال


بعد كدا في عندكم الممشى الي عالبحر على طول
* في أكتر من ممشى ، حالياً في 2 *

عبارة عن ممشى كبير فيله جلسات وكافيهات ومطاعم 






الي فتح منها  
( باسكن روبنز ، فاير قريل ، بيرتز ، بياتو اكسبرس ) 


و بالنسبة للممشى التاني مارحته بصراحة لكن لمن
أعدي منه أشوف ( برجر كينق ، بيتزا هت )

الجلسات مرة جميلة في النهار ورايقة خصوصاً لو الجو حلو 

و في عندهم كراسي تبع الممشى توفر شواحن جوالات بالطاقة الشمسية 


بعد كدا في المدينة حيكون في سوبرماركت بندة ، صيدلية الوزير

و حيكون في ملعب قولف كبير عند مجمع المروج 

و تقريباً بس ، هادا كل الي في المدينة الين دحين xD

مافيها أنشطة كتيرة لكن هي ملجأ للروقان والعزلة شوية

وسائل التواصل معايا أعلى الصفحة 
وحسابي عالسناب تشات @Bayanola92

ابقوا سُعداء ~

2 comments:

  1. احسها مدينة هادية و رايقة
    ما تكلمتي عن الأسواق فيها أسواق ؟

    ReplyDelete