Wednesday, March 2, 2016

تغطية ايفينت سيفورا + نزول كات فون دي في السعودية و أسعارها


السلام عليكم

قبل كم يوم نزلتلكم في السناب تشات تغطية ايفينت سيفورا 
و كتيرين فاتتهم أشياء 

فحبيت أنزلها عالمدونة خصوصاً انه في أخبار تحمس كتير 

و بالنسبة للصور فكانت من تصوير أختي بنان ،
حسابها في الانستقرام Banansindi لو حابين تشيكوا عليه

فـ يلا بسم الله 

نجم الحفلة طبعاً كان مكياج Kat Von D الي حينزل
 في السعودية باذن الله في شهر أبريل 










الميك اب ارتيست أستعملت من المنتجات الي حتنزل
و سوت مكياج بسيط و حلو على العارضة 






شخصياً ماعجبني الأساس و الكونسيلر لانهم ثقيلين جداً ،
وأنا ماحب التغطية الي تكتم الوجه 

لكن باقي البنات عجبهم 

و كان في مكياج مارك جيكوبس 





نزلوا ماسكارا جديدة اسمها Velvet Noir والمفروض
 انها تعطي نفس تأثير الرموش التركيبة


و في برايمر جوز الهند المرطب ، 
مرة متحمستله وباذن الله حشتريه مستقبلاً 



و خط سيفورا الخاص بالبشرة والمكياج 




كعناية فـ حينزلوا أقنعة لليد والشفايف 
ودي خطوة جديدة لهم و كل قناع له فائدة



في أشياء للترطيب ، لتجديد البشرة ، لمعالجة الجفاف والخطوط 

و حينزلوا الاسفنجة الكورية ( كونجاك ) فايدتها انها
تقشر الوجه وتشيل الجلد الميت و الرجال ممكن يستعملوها 


وبالنسبة للمكياج فحينزلوا أرواج جديدة مرطبة و ثباتها أعلى 



و كمان آيشادوهات بألوان جديدة و باليتات جديدة 



الفكرة انك تشتري لونين آيشادو وتاخدي الباليت مجاناً

و فرش مكياج جديدة 

للكونتور ، الحواجب ، الأساس و الآيشادو 


والمميز فيها انه كلها صنع يدوي وياخدوا 24 ساعة كاملة
عشان يصنعوا فرشاة وحدة بس !

و كمان حينزلوا كونسيلرات للاضاءة ، 
تتحول لبودرة وتغطيتها عالية جداً


بس مشكلتها انه درجاتها محدودة 

و آخر شي جديد عندهم هو الماسكارا حقتهم ،
 جربوها على العارضة وكانت رائعة جداً


تعطي كثافة و تقويس مرة حلو للرموش 

بعد كدا في ركن للمناكير و الحواجب 

المناكير كانت من فورملا اكس 
و عندهم تشكيلة ألوان كبيرة ماشاء الله


والحواجب طبعاً بينيفت 

باذن الله كل المنتجات الجديدة حتنزل في أبريل 

جدة -> فرع التحلية الجديد
الرياض -> فرع المملكة
الظهران -> نسيت lol

وبالنسبة لأسعار منتجات كات فون دي

الأساس -> 165 ريال
الكونسيلر -> 100 ريال
البودرة المضغوطة -> 165 ريال
باليت الكونتور -> 220 ريال
البرايمر -> 150 ريال
الأرواج -> 110 ريال
الأرواج السائلة -> 100 ريال
باليتات الشادوات -> 220 ريال
الايلاينر -> 100 ريال

ان شاء الله في البوست الجي حوريكم المنتجات 
الي أعطونا هي نجربها 

ابقوا سُعداء 

- بيانولا ~

2 comments:

  1. ماشاذ الله حلووه الصور يابيان

    ReplyDelete
  2. ماشاء الله الصوره جميلة و التدوينة شاملة

    ReplyDelete