Friday, March 4, 2016

مشترواتي الأخيرة + صندوق سيفورا للمنتجات الجديدة


السلام عليكم

متحمسة جداً لبوست اليوم لأنه كان
مانعني أستعمل الأشياء بعنف xD

بسم الله 

- أرواج جيفري ستار 
18$/الحبة



ليا قرب السنة أحاول أوصل لدرجة androgyny 

كانت اصدار محدود و كل ماتنزل تخلص زي الطلقة 

الين الحمدلله ربنا سهلها و أشتريتها مع
درجة تانية اسمها Dominatrix 








من موقع هاوس أوف لاشز أخدت 3 رموش من عندهم 
و كنت أبى غرا الرموش حقهم بس خفت مايشحنوه

- آيكونيك 
12$


- فيري نوا 
12$

- أو ناتورالي
9$

و من موقع درق ستور

- أساس لوريال Lumi Cushion 
17$ 



فكرته مقتبسة من المنتجات الآسيوية الي بنفس الشكل
وبعدين لونكوم طلعت نفس الفكرة
و دحين لوريال 






شفت يوتيوبرز كتير يمدحوه و يتكلموا عنه فقلت أجرب حظي 
وحست الين أخترت الدرجة والحمدلله أتوفقت فيها 

المشكلة انه كل مرة أبى أستعمله ، أستعمل فرشتين 
للطبقة الأولى وللطبقة التانية
لأنه نوعاً ما موسوسة بخصوص انتقال البكتيريا وكدا xD
بس أتوقع بعد فترة حطفش و أبطل لوول

- ظل لوريال درجة 205
6$



ظل أبيض بلمعة لؤلؤية ، حلو جداً عند مدمع العين أو لنص الجفن 

- ظل وت اند وايلد درجة 
1$



أخدته عشان يزود لي الحساب و آخد الشحن المجاني xD
بس اللون كان مرة جبار ماشاء الله ، غريب و قوي 

- زبدة الجسم من سوب اند قلوري ( 3 أشكال بأحجام السفر ) 
12$





في نوعين منها ماقد جربتهم وماشوفهم عندنا فأتحمست أجربهم

بعد كدا في مشتروات من ذا بودي شوب 

زبدة البابونج لإزالة المكياج



هادي تقريباً تالت علبة أشتريها 
مرة أحبه لازالة المكياج هو والزيت حقهم 
سعرها 79 ريال

زبدة الجسم بالأرقان 



الخط حقهم يعجبني بس ماقد جربت الزبدة العادية 
سعرها 75 ريال

زبدة الجسم بالعسل ( حجم السفر )



الخط دا كمان أول ماطلع أنشهر بعدين أحس خفت شهرته
مع انه مرة حلو و ريحته لطيفة جداً
سعرها 25 ريال

محدد شفاه درجة Peech بـ 45 ريال 



لونه لحمي بني مرة جميل 
حسويلكم سواتش له في السناب 
كنت مستعجلة و أنا أصور xD

زيت فواحة بريحة الرمان والتوت بـ 26 ريال



و آخر شي حبيت أوريكم البوكس الي أخدناه من ايفينت سيفورا
لو ماشفتوا بوست التغطية اضغطوا ( هــنــا )

ماسكارا مارك جيكوبس الجديدة Velvet Noir 



المفروض انها تعطي التأثير حق الرموش التركيبة 
شخصياً جربتها قبل كم يوم 
حطيت كزا طبقة و ماحسيت بالتأثير الجبار 
فقلت حستناها تنشف و أرجع أجربها تاني ان شاء الله

ظل من خط سيفورا الجديد

لونه فنكي مرة 
أحس يطلع حلو وغريب عند مدمع العين أو بداية الجفن

ماسكارا سيفورا الجديدة The Mascara



أستعملوها عالعارضة وكانت تجنن 
بس لسى مافكيتها ، أبى عالأقل أخلص وحدة من الي عندي

أرواج كات فون دي السائلة 
درجة Lolita II و درجة A-Go Go




روج كات فون دي درجة Poe




مرة عجبتني وجربتها على بنان
حلوة كتغيير لمن تروحي لصاحباتك أو لمن تسوي مجنونة في البيت :p

آيلاينر كات فون دي درجة Trooper



عليه مدح فظييييع
باذن الله حجربه و أكلمكم عنه 

مزيل المناكير من فورملا اكس



فكرته انه فيله 5 فتحات لكل اصبع 

و بس كدا خلصنا 

سيبوا لي تعليقاتكم أسفل
وقولوا لي اش حابين تشوفوا منتجات 
في القيف اواي الي حسويه قريب ان شاء الله

ابقوا سُعداء

- بيانولا ~

0 comments:

Post a Comment