Friday, April 29, 2016

مشترواتي من سيفورا - Sephora Haul


السلام عليكم

من فترة سيفورا سووا تخفيض 20% للي عندهم بطاقة ذهبية و سوداء 

و طبعاً ماضيعته ، حللته مزبوط xD

نزلت مرتين تقريباً وكنت حنزل مرة تالتة لولا اني فلست lol

يلا بسم الله
( الأسعار قبل التخفيض )


أساس ميك اب فور ايفر HD Stick 
170 ريال 

رنيم ووفاء ساعدوني باختيار الدرجة الله يسعدهم 
و من يوم ما أشتريته و أنا معلقة عليه 
مرة يعطي تغطية حلوة بدون مايبان كيكي أو تقيل عالبشرة

بيوتي بليندر 
80 ريال


أخدت وحدة لبنان بعدين رجعت أخدت وحدة ليا
ورميت القديمة لانها كانت في حالة يرثى لها

برايمر مارك جيكوبس المرطب 
180 ريال


البرايمر معزز بجوز الهند عشان يعطي ترطيب و يثبت المكياج 

قلم آناستازيا Brow Wiz للحواجب درجة Dark Brown 
103 ريال


ماكنت مقتنعة بأقلام الحواجب الا بعد ماجربت حق بنفت 
وعجبني فقررت أجرب غيره 
و دا عليه مدح كتير فقلت أديه فرصة 

مناكير سيفورا الـ Beautifier 
38 ريال


درجة وردية فاتحة تناسب كل البشرات 
تعطي لون خفيف ولمعة للظفر و تبينه صحي 

غسول قلام قلو المرطب 
77 ريال


اليوتيوبر تاتي مدحته فقلت أجربه 
و جربته يومين وحسيته ينظف بشرتي بس بدون ماينشفها 

قمت على طول رجعت وأخدت الحجم الكبير بـ 173 ريال 

فرشاة البودرة من سيفورا رقم61
203 ريال



أعترف اني مصدومة الين دحين من نفسي
عشان مشترية فرشاة ب 200 ريال Lol
بس متأكدة انها حتفيدني ان شاء الله وحقدر أثبت الاساس
 بشكل أسهل و أسرع 
و مارح تبان القشور بكثرة 

فرشاة متعدد الاستعمال من سيفورا رقم 45
111 ريال



أمل نصحتني بالفرشاة دي و قالتلي انها A Must-Have 
تنفع للأساس للبودرة للبلاشر .. إلخ

فرشاة بطرفين للحواجب من سيفورارقم 20
87 ريال 




و آخر شي طلبت من رنيم تشتريلي 
لمن كانت مسافرة بودرة سيفورا المقشرة
و لمن رحنا سوا أكتشفنا انها تنباع هنا xD
سعرها 70 ريال


أتحمستلها لأنه بوبي براون عندهم نفس المنتج
فقلت رح أجرب الفكرة و أشوف لو عجبتني أو لا

و بس والله دا الي أشتريته 
طبعاً بعد الـ Shopping Spree دي ،
أنا معاقبة نفسي عن الشراء الين نوفمبر
ان شاء الله بحكم انه شهر ميلادي :p

أكتبوا لي في خانة التعليقات ازا جربتوا شي من المنتجات ،
و اش أخدتوا وقت التخفيض

ابقوا سُعداء

- بيانولا ~

2 comments:

  1. مشترياتك تحمس والله
    تتهني فيها ان شاء الله <3

    ReplyDelete
    Replies
    1. يهني ايامك يارب شكرا لكي

      Delete