Wednesday, May 18, 2016

مكافئتي لنفسي من مركز الخياط - Luxury Haul

السلام عليكم 

* حيكون في مقدمة طويلة لو حابين تعرفوا
هرجة المشتروات أو تقدروا تسووا Skip *
XD

أول شي شكراً لبنان على التصوير :$ 
Instagram: Banansindi

كل واحد فينا كل فترة يحب يدلع نفسه ويكافئها بشي يسعدها 

وكنت عادة أكافئ نفسي بنوع حلا أو غرض تجميلي 

و الفترة الي راحت قررت اني أكافئها جامد و أمسك نفسي
من اني أشتري أي شي صغير 

عشان أقدر آخد شي عليه القيمة 

فنزلت مركز الخياط عشان أشوف الأغراض
 الي عجبتني أونلاين عالطبيعة 

فلمن شفت كزا حاجة و قلبي في ساعتها قالي خديها
لاتندمي على طول سميت بالله وتهورت 

أول شي دخلت محل Fendi 


كنت مهووسة بفكرة الـ Wallet on Chain الي هي
عبارة عن محفظة على شكل شنطة 
وكنت حاطة في بالي حقت شانيل وشفت تقييمات الين خلاص
ولمن شفت جلد الكافيار على الطبيعة مرة أنصدمت ،
مرة شكله cheap مع الأسف 
و لمن كنت أقلب في موقع فندي لقيت انه عندهم woc 
و على شكل مونستر كمان!
أنا مرة أحب الكونسبت حق المونستر 
مرة لطيف وتغيير عن الأساسيات 

فلمن دخلت المحل على طول لقيتها في وجهي
على أول كاونتر ، قلت خلاص اشارة ربانية


مرة حبيت ألوانها ، جداً هادية و تليق على أكتر من لبس

و كمان من جوا ترى مساحتها أكبر من الصورة
تشيل 6 كروت
و في لها جيبين + سحاب 


و كمان تقدري تلبسيها بـ 3 أشكال مختلفة

اما كروس بدي أو عالكتف 
و الحديدة تقدري تلفيها لفتين وتصير أقصر لمستوى الكتف


وتقدري تفكي الحديدة أو تدخليها جوا و تصير كلتش 


والشي التاني الي أشتريته من مركز الخياط كان من شانيل 

دخلت له أول مرة عشان الشنطة و بعدين خرجت
 و أفتكرت انه في شي شفته اونلاين ودخل مزاجي 
ورجعتلهم تاني عشان السيدة المحترمة دي


أنا ماكنت حاطة في بالي أشتري جزمة رياضة ،
بس لاني قعدت أشوفها مررررة كتير عاليوتيوب
والكل يمدحها وانها قد ايش مريحة قلت لازم أجرب بنفسي
 ولمن رحت قستها من جد كانه سحابة تحضن رجلي 

في منها لون أبيض بس ماحبيت أتهور مع بيئتنا النظيفة جداً xD


و بس الله يسلمكم 
دا الي أخدته حالياً

طبعاً كل منتج جا معاه كيس يحميه من الغبرة

لو انتوا زيي فأنا متاكدة انكم تستمتعوا بتدوينات المشتروات 
وتعطيكم فكرة عن الأشياء الي حابين تشتروها 

شاركوني آرائكم في التعليقات 

حسابي عالانستقرام والسناب شات Bayanola92

ابقوا سُعداء ~

4 comments:

  1. جميلة الشنطة مشاءالله تتهني يارب بس ياليت حطيتي أسعار المشتريات

    ReplyDelete
  2. لبس العافية ان شاء الله
    تتهني يا قمر <3

    ReplyDelete
  3. ماشاءالله الله يهنيك فيها بس حطي الاسعار❤️

    ReplyDelete
  4. ماشاءالله تتهني فيها❤️ بس ياليت تتكتبي الاسعار

    ReplyDelete