Thursday, October 13, 2016

مجموعات بودي شوب الجديدة ( عناية و مكياج )


السلام عليكم 

قبل يومين نزلتلكم في السناب شات تغطية سريعة لايفينت ذا بودي شوب

الايفينت كان بمناسبة اطلاق مجموعة أقنعة جديدة للوجه و بتركيبات جديدة 

حوريكم أول شي مقتطفات من الايفينت لو فاتكم وبعدين نبدأ في المنتجات الجديدة









و كمان جابوا فريق صالون نعومي وكانوا جداً لطيفين ودا حسابهم عالانستقرام
nayomi_beauty_salon_me

بالنسبة للمنتجات الجديدة

فهي تنقسم لـ 3 أشياء

أول شي حقولكم عن الاضافات لمجموعة السبا 
لو مانتوا فاكرين المجموعة فأنا نزلت عنهم تدوينة ( هــنــا

على آخر أكتوبر ان شاء الله حينزلوا منتجين جديدة

أول واحد مقشر زيتي 


لسى ماجربته بس فكرته حلوة ، 
رح يقشر الجسم ويساعد على ترطيبه في نفس الوقت 

و المنتج التاني هو كريم مرطب للجسم بعشب البحر الأطلسي 


هو قوامه زي الجل بس الي مستغربته انه عشب البحر 
عادة يستعمل لتنشيف الدهون 
فمتحمسة أعرف كيف حيكون تأثيره عالبشرة

بعد كدا حكلمكم عن الأقنعة الجديدة الي نزلوها للوجه ، 
و هي عبارة عن 5 أقنعة 

2 تستعمل للترطيب
3 تساعد عالتقشير البسيط بعد الغسل





قناع فحم الهملايا ميزته انه مكون من زيت شجر الشاي و فحم البامبو 
و الماسك دا مناسب لتنشيف الدهون الزايدة في الوجه
و الي عندها حب شباب كمان



قناع العسل الأثيوبي 
فيله نسبة 20% من العسل الخام
معروف عن العسل انه يقتل البكتيريا و يرطب البشرة



قناع الورد البريطاني
مكون من بتلات ورد حقيقية
و زيت الروزهيب والي معروف انه يهدي البشرة ويرطبها




قناع الأرز والجنسنق الصيني 

القناع دا مخصص لاشراقة الوجه وتنعيم سطح البشرة

* البلوقر نوف لمن حطت كمية كبيرة منه وجهها لسعها شوية ، 
أنا كنت حاطة كمية أقل منها والحمدلله ماحسيت بحاجة *



قناع توت الآتشاي الامازوني

توت الاتشاي أو الآكاي معروف انه فيله مضادات أكسدة
و فيتامينات مفيدة للبشرة

فالقناع هادا رح يخفف آثار التعب ويعطي البشرة حياة


و الحركة الحلوة الي مسوينها بودي شوب حالياً
انه مع كل ماسك تشتريه تاخدي دفتر تلوين هدية
عشان تتسلي وانتي حاطة الماسك

سعر الماسك الواحد 119 ريال


و نزلوا مع الأقنعة فرشاة 


بحيث انك تستعمليها لمن تشيلي من العلبة 
عشان ماتدخل البكتيريا لجوا وفي نفس الوقت
 ماتشيلي كمية أكبر من حاجتك
وبعدين تبدئي توزعي القناع بالتساوي باستخدامها
و ممكن انك تستعملي أكتر من قناع لكل الوجه
مثلاُ الأنف تستعملي الأزرق 
و الخدين الوردي
و الذقن الأبيض 
.. إلخ 

سعر الفرشاة 69 تقريباً 


و آخر شي نزل هو باليتات ظلال جديدة 

خمس ظلال رباعية











و باليت كبير ماخد من ألوان الباليتات الصغيرة





المميز في الظلال المرة دي 
انه بعضها مطفي وبعضها فيله لمعة 

بحيث انك تقدري تستعملي الباليت للنهار أو الليل
و تقدري تستعمليها مبلولة أو ناشفة
خصوصاً الي فيها لمعة عشان يقوى اللون 

والشي الي يحمس كمان انكم تقدروا تفكوا كل ظل
وتجمعوا كل الباليتات في باليت مغناطيسي كبير
أو تغيروا ظل وتحطوا مكانه ظل تاني

أسعار الباليتات في حدود الـ 150 ريال

و بس والله

قولوا لي لو جربتوا شي من منتجاتهم الجديدة

وسائل التواصل معايا في أعلى الصفحة عاليمين

ابقوا سُعداء

- بيانولا ~


2 comments:

  1. يعطيك العافية بيان ❤️❤️

    ReplyDelete
  2. حاسة ريحة ماسك الاساي حلوة من لونه
    ومرة عجبتني الوان الاي شادو!
    شكرا على التدوينة الجميلة ♥

    ReplyDelete