Wednesday, May 16, 2018

سماعات Sudio اللاسلكية | الحياة أسهل الآن؟!

 

السلام عليكم جميعاً

توحشني المدونة كثير والله.. كأنها غرفتكم القديمة الي تحنوا لها
 كل ماكبرتوا في السن xD

اليوم أبى أكلمكم بالتفصيل عن سماعات Sudio 

نزلتلكم بوست في الانستقرام عنها بشكل مختصر 

شركة Sudio سويدية متخصصة بسماعات الأذن 
و موجودين في أكثر من 22 دولة في العالم 
و مؤخراً بدأوا يتوسعوا للشرق الأوسط 

عندهم أشكال و أنواع مختلفة للسماعات بحسب احتياجكم 
الي عندي اسمها Tre

سماعة بلوتوث بأجنحة 
فكرة الأجنحة عشان تمسك في الاذن من الداخل 
و ماتتزحلق عليكم لو انتوا بتجروا أو بتتحركوا كثير 

 
السماعات تفضل معاكم 9 ساعات من الاستعمال المتواصل 
و 10 أيام في وضعة الـ Standby 
و تقدروا تشحنوها لمدة 10 دقائق بس للاستعمال السريع 
أو 120 دقيقة عشان يصير الشحن كامل 

الحلو فيها انه نطاق السماعات يوصل لـ 15 متر 
فماتشيلوا هم انه الجوال لازم معاكم لو بينشحن مثلاً
غير كدا فيها مايكروفون عشان لو جاكم اتصال بتردوا عليه بكل سهولة


و الميزة المثيرة للاهتمام الي فيها انها تشبك على جهازين في نفس الوقت
مثلاً لو بتسمعوا شي في اللاب توب و جاكم اتصال على الجوال
تقدروا توقفوا صوت اللاب توب و تردوا عالاتصال بكل سهولة!

السماعات تجي بـ 4 ألوان مختلفة

الملحقات الي جات مع السماعة: 

مشبك ذهبي لتثبيت السماعات 
3 أحجام مختلفة للأجنحة بحسب حجم الاذن 
توصيلة شحن 
حقيبة جلد 


سعر السماعات قبل التخفيض بـ 370 ريال سعودي
و مع كود التخفيض (Bayanola92)
حيصير سعرها 314 ريال سعودي
وطبعاً الشحن مجاني و سريع عن طريق DHL
موقعهم www.sudio.com

حقيقة أنصحكم فيها لو انتوا من النوع الي يحتاج سماعات بشكل دائم في يومه 
مافيها سلك يحوس الواحد و مدة تشغيلها طويلة و مناسبة
و مريحة للاذن أول ماتتعودوا عليها 
و صرت أستعملها بشكل دائم في المطبخ و الدوام 
و أهم شيء انها تتخبى تحت الطرحة 

و مع رمضان و العيد شخصياً أشوفها هدية جداً مناسبة و لطيفة 

تحبوا نعمل giveaway معاهم؟ اكتبوا لي اللون و النوع الي تفضلوه 

و بس والله ان شاء الله تكونوا أستفدتوا..

ابقوا سُعداء ~
- بيانولا

0 comments:

Post a Comment